Aakengeleli ya holoka mompangu

0
194

ONDANGWA-Aagundjuka yatano oya holoka mompangu yamengestalata po Ndangwa oshiwike sha ziko sho ya adhika ya humbata iimaliwa yiikengelela.

Aagundjuka mbaka aamati yatatu naakadhona yaali oya kwatelwa kopolisi molukanda lwaIiyandya mOndangwa sho ndjoka ya nothelwako kaakwashigwana kutya oonakufekelwa oya longitha iimaliwa yiikengelela okulanda iinima mostola yontumba.

Aatamanekwa oya holoka lwotango komeho gomupanguli Ninja Hochobes na yane yomuyo oya li ya pula opo ya konge aakalelipo yawo yopaumwene  omanga gumwe a hogolola a ninge eindilo lyomukalelipo gwepangelo.

Aatamanekwa ina ya pitikwa okupopya sha mompangu yo ina ya pewa uuthemba gwokwiifutilamo modholongo. Oshipotha shawo osha undulilwa kuNovemba opo omakonaakono gatsikile.

Omupanguli Hochobes okwa lombwele aatamanekwa kutya oyena uuthemba wokuninga omaindilo gokwifutilamo, teka kunkilile woo opo kaya ye iilonga yopolisi moshipala ngele ya pewa okwiifutilamo.

Aataamanekwa oyo nee Immanuel Ananias a zile kEndola, omanga Tulongeni Gabriel, Ester Shitana, Kotokeni Malakia, naSatrie Lungameni Heita ya za moshitoplwa shaNdangwa.
KuNuusita Ashipala

LEAVE A REPLY

Please enter your comment!
Please enter your name here