Nghixulifwa ina menekela muuperesidende wa NBF ku ye mwene

0
185

WINDHOEK – Omuperesidende gwehangano lyokudhenga oongonyo mo Namibia[Namibia Boxing Federation (NBF)] okwa ekelehi omipopyo kutya oha longitha oshipundi shoka pombambo , na ishewe aniwa okwa menekelako olule  kusho.Kelly Nghixulifwa, okwa ti mboka ta ye mu lundile kutya iilonga yoku wilika okudhenga oongonyo keyi shi nawa oyo ashike oshipandi shaantu yaana elandulathano.

 

Omalundilo ngoka oga pewa oshitopolwa sha New Era shomauhdano ku yamwe molutu luudhengingonyo moNamibia ya lundile Nghixulifwa nooyakwawo kutya aniwa oya kunu ombepo yoku tindila mewiliko lyuudhano mbuka no sha fa inaa ya hala oku lu thigapo.Mbaka oya tsikile noku lundila Omuperesidende gwa NBF noshowo ewiliko lye kutya aniwa oya henuka olundji oku ninga iigongi yomahogololo.Oya ti opwa pita omimvo odhindji ngashingeyi NBF inaa ninga oshigongi shomahogololo aniwa. Aakaanambili mboka oya lundile Nghixulifwa kutya oha wilike NBF ongo ehala ndyoka ha li ekelwahi iiyenditho mbyoka ya yonuka.


Ku  Otniel Hembapu

 

Nghixulifwa, okwa kala omuwiliki gwa NBF uule womimvo konyala omilongo mbali ngashingeyi, nonando Ompango yUudhano yomvo 2003  ota yi utha kutya omuwiliki oku na ashike oku kala koshipundi shoka uule womimvo 10.

Omuwiliki gwa NBF okwa ekelehi omalundilo ngoka a ti oku menekela kwe mewiliko ndyoka okwa zi mpoka sho oyendji yomoshimpungu shuudhano mbuka  yuulike ya pumbwa ontseyo ye natango.

Okwa ti mboka ta ye mu lundile oyo, ya nika uulingilingi noshowo yaana elandulathano. Okwa ti olutu oludhengi ngonyo olwa ningile oshigongi shomahogololo mo 2006, noshowo mo 2010 moka ye a li a hogololwa paudemokoli ongo Omuperesidende gwalwo.

 

Nghixulifwa okwa ulike onkumwe ye kwaamboka ta ya ti ina pa ningwa nando oshigongi shomahogololo nkene ngiika a yile koshipundi.Okwa ulike kutya yamwe yaamboka ta ye mu lundile omathimbo gamwe iha ya holoka kiigongi yomahogololo nando oyo taya popya popya oohapu odhindji ngashingeyi.“Ngame ondi ilongekidha okuthigapo oshipundi shika andola ngele oshigongi shomahogololo osha ningwa nando onena.Otandi kala nda nyanyukwa oku gandja oshipundi shika komuwiliki omupe omunandjungu ngoka iilongekidha okuhumitha komeho uudhano woongonyo moshilongo.Omimvo 20 omile oku kala koshipundi, inekela ndje uule womimvo ndhoka onda li nda hala oku shi thigapo ndele aantu mboka ye na ohokwe ya shili yuudhano mbuka oya lilile ndje opo ndi tsikile natango neyakulo ndyoka. Shika onde shi taamba neifupipiko nonda tsikile nokwiigandjela uudhano mbuka.”osho Nghixulifwa a ulike.

 

Amushanga ndjayi gwolutu ndoka, Joe Kaperu, okwa ti Nghixulifwa newiliko lye oya longa nawa moku humitha komeho  noku konga aadhani yena iitalenti muudhano mbuka.

 

Mboka ya konene ekalo lyolule lya Nghixulifwa koshipundi shuuperesidende oye na wo omaipulo kombinga ya Kansela Ambrose Kandjii gwa Katutura Central Constituency , ngoka ya ti ohi idhopo miinima yobokisa nonando oveta ina yu mu pitika we eshi ninge omanga eli omunapolitika muukansela.

LEAVE A REPLY

Please enter your comment!
Please enter your name here