Odoolopa yEenhana otai komesho

0
206

EENHANA – Omunambelewa Omukulunhupitifi modoolopa yEenhana ota shiva oshikondo shopaumwene opo shi ka tunge moshilando osho. Walde Ndevashiya ota ti odoolopa oyo oya longa noudinini omido mbali da pitapo no ya etapo omalunduluko meyokomesho layo. Eshi osha ningwa eshi pa tulwa moilonga eproyeka deyokomesho domaludi mahapu, okudja eshi oshilando osho sha pewa omufika woku kala oshilando tashi lipangele shoovene  omudo 2002.

‘Eekansela dodoolopa ota di kundafana no va humifikomesho opaumwene ovo vena ehalo oku kwafela, oku tunga modoolopa omu. Elelo lodoolopa ole li tulila eenhele 1900 opo di tungwe kwaava, vamwe vaavo ve li longekida oku hovela oilonga pexulilo lodula ei.”Ndevashiya a ti.

Okwa ulike yo nokutya oilonga ye yo komesho omido mbali da pita oya li okutunga omaumbo, eenhele deengeshefa oku wapaleka eenhele opo pena okutungwa, nosho yo okudjekapo omayakulo amwe oo ha yadjiwa kelelo lodoolopa.

Odoolopa oya tulapo omayakulo omeva noshoyo ominino doku endifa oyeekelwashi, mo ku longifa  eemiliona deeN$6,8. Paife odoolopa otai longo noudiinini opo i manife eyandjo lolusheno keedola eemiliona N$5.

Ehangano lokutunga omaumbo la NHE ola manifa okuwapaleka eenhele domaumbo dili omafele 299 moshitukulwa sha extention 5 melongelokumwe nomahangano opaumwene , nashi osha pula eedola emiliona 23. Paama oilonga, oyo ta yi twikile poshitukulwa osho oyo ku tunga ashike omaumbo peenhele odo.

Ndevashiya okwa ulike nokutya odoolopa oi na eshongo lakula leyadjo ledu la wapalekwa lokutunga po omaumbo. Okwa ti epulo okudja kwaavo va pumbwa eenhele opo va tungepo omaumbo olili pombada oku yeleka neyandjo ledu la wapalekwa nola tulwa omayakulo aeshe opa muni.

“Opo eyokomesho li yepo elelo lodoolopa ola tula omukalo oku endeleleka eyandjo ledu, eshi la yandja eenhele dimwe odo da longekidwa ashike etata kovatungi opo va twikile noku di wapaleka. Oilonga aishe ei ota yi ka pula eedola eemiliona N$323,5.
Ku Loide Jason

LEAVE A REPLY

Please enter your comment!
Please enter your name here