Omaishangitho gaahogololi ayehe ga tseyithwa

0
216

WINDHOEK – Omuwiliki gwomahogololo moNamibia, Dr Paul Isaak, okwa tseyitha esiku moka omaishingo gaahogololi ayehe taga ka tameka. Okommisi yOmahogololo ya Namibia [ECN] otayi tseyithile ayehe mboka ya adha okuhogolola noshowo mboka aahogololi nale nokutya omaishangitho gaayehe omolwa omahogololo otaga tameke momasiku 15 Januari 2014 sigo 2 Maalitsa 2014.

Isaak okwa ti ethimbo ndika olya tseyithwa sha landula sho Omuperesidende Hifikepunye Pohamba a gandja omushangwa ngoka tagu utha kutya eishangitho lyaahogololi ayehe moshilongo otali ningwa unake. Etseyitho ndika olya nyolwa wo moshifo shEpangelo. Omuperesidende okwa pewa oonkondo koveta  yOmahogololo yomumvo 1992 opo a uthe ethimbo ndyoka omaishangitho gaahogololi ayehe li na oku ningwa. Konima yomimvo omulongo kehe Namibia oha ningi eishangitho lyaahogololi ayehe.

Okommissi yOmahogololo oya tseyitha kutya omalongekidho agehe oge li poku manithwa, moku ka tameka omashangitho ngoka omumvo tuuka.Pethimbo ndika aanambelewa ya ECN oyi ipyakidhila nomatalelopo miikandjohogololo iipe mbyoka yuulikwa pamwe naanambelewa yombelewa yOmutendi gwevi oku tala mpoka pena oongamba oompe dhiikandjohogololo mbyoka. Pethimbo olyo tuu ndika Okomisi yOmahogololo oyi ipyakidhila wo noku tula kumwe uuyelele wu na sha nelongo lya nkene omaishangitho ga tegelelwa ta ga ka ningwa. Okommisi oya ti otayi ka longa aahogololi nawa opo kehe yamwe ya vule okushangelwa moshitopolwa shomondjila.

Okommisi oya manitha nale olukongo lwaanambelewa mboka taya ka longa iilonga yo ku shanga  aahogololi ayehe moshilongo ashihe.Iilongitho ayihe mbyoka ta yi ka longithwa moku shangitha aahogololi okuza pehala nehala na yo oya pwa oku longekidhwa na oya tegelela ashike oku tulwa miilonga.ECN pamwe nOshikondo Shiikwapondje mepangelo lya Namibia ota ya longele kumwe opo wo aaNamibia mboka ta ya ilongo nenge ta ya longele kiilongo yilwe muuyuni ya vule wo okwi ishangitha ongo aahogololi. Shika otashi ka ningilwa poombelewa dhuukalelipo shilongo wa Namibia miilongo mbyoka. AaNamibia ota ya ka hogolola iilyo yoshigongi oshitotiveta noshowo Omuperesidende gwoshilongo okuuka pehulilo lyomumvo tuuka.

 

LEAVE A REPLY

Please enter your comment!
Please enter your name here