Omiyonena

0
160

ONGWEDIVA – Omukiitntu gwomimvo  24 gwomolukanda Okalevona okwa someya modama pOnguta mOndangwa, pethimbo a li a kambadhala okuhupitha omunona ngoka a li ta hala okusomeya. Edhina lye ina li gandjwa natango oshoka aakwanezimo lye ka kwa li ya tseyithilwa.
Opolisi oya tseyitha wo kutya omunambelewa gwopolisi  posasiona Okahenge okwa mana oondjenda dhe sho, oongotele pevi noku sa omanga a li ta ende oku za megumbo uuka kehala lyaa shiwike. Omunambelewa nguka okwa za momukunda Onawa megongalo Oshitayi popepi nondoolopa yNdangwa.Edhina lye ka lya li lya tseyithwa molwaashoka aakwezimo lye ka ya li ya tseyithilwa eso ndyoka.

Omulumentu gwomimvo 49, Haihuna Willy Negumbo gwokOutapi okwa ehamekwa noonkondo na okwa taambelwa moshipangelo shepangelo shaShakati konima sho osheenditho shoka ali ta hingi sha gu kongalama pokati kOshakati nOmungwelume eta shi kandoma.Osheenditho shoka osho shikondo shIilonga yomonanguwi ya Namibia.Palwe ootyotyi odha yaka okompiuta yolaptop, ompunda yiikutu noshowo omishangwa dhilwe sho dha teya osheenditho shUuministeli wIipindi Noofambulika pethimbo omuhingi gwasho a li mositola O’ Save  Mini Market mOshakati. Iinima mbyoka ka kwali ya monika nootyotyi ka dha li dha kwatwa natango.
Ku Nuusita Ashipala

LEAVE A REPLY

Please enter your comment!
Please enter your name here