Oshitukulwa shaMusati otashi pewa vali eendja doshikukuta da wedwa po.

0
193

OUTAPI – Ngoloneya woshitukulwa sha Musati okwa yemba oovene vomikunda vamwe va udika va lumbula ovanhu vamwe oikulya shashi ve na omaupyakadi navo momikunda.Sophia Shaningwa okwa  ti,  kape na omuleli woshili ha longo ngaho.

Okwe va takele omunwe ta ti: “Efiku onali ke uye eshi hai ka tonga mo omadina ovaleli ovo”. Ovaleli pamufyuululwakalo ova lombwelwa va kwashilipale kutya omikunda adishe oda shangwa di dule ku havala eendja doshikukuta.

Shaningwa okwa kunghilila ovaleli ovo fimbo a li ta popifa oshoongalele a ningile neekaansela doshitukulwa shaMusati ohani ei pOutapi.

Oshitukulwa eshi shi na oikandjohoololo 12, oshimwe shomoitukulwa ya dengwa unene koluteni loneudo moNamibia. Eembinga dimwe moshitukulwa oda ninga oule weedula 2 inadi lokwa, oshiwana eshi hashi xupu moikulya yomomapya osha mana po oikulya. Oshiwana sha ninga omafiku tashi ya keembelewa dookansela tashi pula oikulya, neekansela  odaka  kuwa kombelewa yelelo loshitukulwa okuyamukula onghuwo yoshiwana.

Nonande evalulo etitano lomwaalu woshiwana lomudo 2011 ola ulika kutya, moshitukulwa shaMusati omu na ovakwashiwana  omajovi 243 166 mokati kavo omu na omajovi mahapu  a ninga eemwedi 3 ve hena oikulya..

Oshikandjohoololo Etayi osho shakula moshitukulwa mu na omikunda 52 inadi pewa oikulya yoshikukuta molwa omhumbwe yovaeti voikulya.Osha etifa okomitee yewiliko loshitukulwa shaMusati i pule ombelewa yomuprima  oikulya ya wedwa  po. Moshoongalele shelelo loshitkulwa shaMusati mOutapi opa tulilwe omukalo nghene oikulya yoshikukuta i na ku tukulwa.

Ngolonea Shaningwa, okwa ovaleli vopamufyuululwakalo ta ti: “Ovanhu momikunda ove li koshi yeni, fyeni oshisho va shangwe. Eekansela longeleni kumwe novaleli vopamufyuululwakalo momikunda domoikandjohoololo yeni. Ou wa mono omunhu a fya ondjala lopota kombelewa, fyeni tu landuleni ouyuuki nelandulafano”.

Shaningwa okwa lombwela eekansela di kale nokutalela po ovanhu momikunda opo di dule kumona ovo tava kengelele pehavalo loikulya, va dule ku landulwa.Okwa kumaida vali ovo ve na omaumbo e li pomukulambo wokanala/ omukanga womeva pokati koRuacana –Oshakati vaha ndonyaune vali omukangha. Okwa uda ovanhu vamwe hava mbonyona omukangha opo omeva a panukile moyana va dule ku kwata eeshi noimuna yavo i dule kunwa.

Okwa ti: “Omukangha ou na oshilonga shinene, wa eta omeva taa longifwa moitukulwa Oshana, Oshikoto, Ohangwena nomoshitukulwa shetweni shaMusati. Fyeni ovanu vepangelo, inatu pumbwa ku teya oinima yepangelo, tu dilaadileni omukalo muwa nghee Namwater te tu kwafa tu kufe omeva momukangha nomukalo muwa tuha talike tuhe na ko na sha noinima yoshiwana. Atusheni otwa ifanwa tu yakule oshiwana”.

Shangingwa okwa  kunghilila eekansela di tale nghee ku na kulongekidwa omeva oimuna, iha pundaukile vali nokuwila momukangha. Ta holola olupandu linene eshi epangelo la nyamukula okupitila mombelewa yomprima Hage Geingop ya shiivifa kutya oTransnamib otai eta oushako voufila wepungu omajovi 256 . Meehani da dja ko, oshitukulwa osha pewa ashike oushako voufila wepungu omajovi 60 inava wana. Oikulya tai ya, okashako koufila wepungu, eeshi domeendoosha, omaadi okoshivelelwa, naikwao.

LEAVE A REPLY

Please enter your comment!
Please enter your name here