A tameke ongeshefa ompe

0
169

RUNDU – Omukiintu omugundjuka mo Rundu okwa egulula ongeshefa ompe opo a yakule aayakulwa ye nawa. Ongeshefa yokwoopaleka nokufeweka aantu oyo ompeempee moshilando shika ndjoka mwene gwa yo ta longo neitulemo opo aayukulwa ye ya kale yuuvite nawa noshowo ta ya monika nawa.

Fiona Njekwa gwoomvula 26, oye mwene gwongeshefa yokufeweka yedhina  Perola Beauty. Okuna aaniilonga yeli yane mboka ha ya gandja omayakulo ngaashi ozone therapy, okuthula okwoopaleka oohwikwi, okwoopaleka iipanyala noshowo okwoopaleka nawa moshipala.

Njekwa okwa ti okuthula noshowo eyakulo lyo  ozone therapy omukalo omwaanawa oku yakula  oshigwana moku tonatela omalutu gasho no inaashi pumbwa oku longitha oopela nenge omiti.

“Osha fa inaatu shi tseya  nawa kutya  okunwa oopela ota ku zigopaleke omalutu getu.Olwindji omalutu getu oha ga kolonda noopela itadhi vulu oku ga panga molwaashoka odhe ga kolondeka. Onkene osha pumbiwa oku longitha omukalo gwopaushitwe oku yanda oku zigopaleka omalutu getu.” osho  Njekwa a ti.

Okwa ti ye keshi omundohotola na ina tegelela aantu ye ye kuye opo e ya aludhe andola.

Okwa hala oku gandja eyakulo lye kaakiintu opo ya kale taya monika nawa sho yoopala.Okwa hiya wo aakiintu aakokele opo ya ka longithe omayakulo ge oku ikutha  oomvulwe  ndhoka yena oshoka oamyakulo ngaka otaga enditha wo ombinzi nawa. Njekwa okwa indile oshigwana opo shi mu ambidhidhe.


Ku Mathias Haufiku

LEAVE A REPLY

Please enter your comment!
Please enter your name here