Moshitukulwa shErongo mwa totwa olutu lokukandeka oiponga moitauwa

0
363

SWAKOPMUND – Ngolonea woshitukulwa shErongo Kleopas  Mutjavikua ota ti osheetifi shoiponga ihapu moitauwa yomoNamibia, ovashingi tava ningi oinima ihapu pefimbo tava shingi, vamwe ovo vo hava pitilile omaloli nomukalo weshingo louhasha. Ngolonea Mutjavikua edi okwe di tumbula oshivike sha djako, poshoongalele tashi ifanwa  Erongo Regional Road Safety Forum.

Etoto lolutu la tya ngaha ombinga yewanife po lomalalakano  olutu leameno moitauwa yoshilongo (NRSC) li dike omalutu moitukulwa aishe yoshilongo okuudifako nefimano moitauwa,ku shunifwe pedu omuvalu woiponga yomalidengomumwe omatuwa . Oyeetifi ikwao yoiponga yomatuwa okushinga wa kolwa nomatuwa ehe li nawa.

Pauyelele woshidjemo shoshoongalele, ihapu yoiponga oya etifwa  kovashingi ihava fimaneke eeveta domeendjila, tava shingi tava popi meengodi, tava pitilile omatuwa pemhito da puka,tava shingi va kolwa,  nomatuwa amwe kae na oukolelele wokweenda koitauwa.

Omushangwahokololo wehangano loundjolowele mounjuni lomudo 2011, owa holola nghee Namibia e li omuti-42 moilongo omo hamu fi ovanhu koiponga yomatuwa.  Ngolonea Mutjavikua  ta weda po kutya, oshikefa sho ku vatela ovo va mona oiponga momatuwa ile, Motor Vehicle Accident Fund (MVA)  oya shiivifa  nghee modula 2011 eepelesenta 24.75 mongudu yovanhu  100 000 va xulifa moiponga yomatuwa, ashike modula 2012 omwaalu wovafi owa tana fiyo  opeepelesenta 28.05.

Mutjavikua ta ti, ihatu kanifile ashike ovanhu moiponga pefimbo  loivilo yomatango manene, ovanambeleva vepashukilo leendjila otava  kandeke oiponga nonande oshidju ovashingi va lundulule oukwatya  wavo. Mutjavikua ta pula ovaNamibia aveshe va kandeke oiponga, nande pena ovanhu oohandimwe nomahangano amwe inaa kufa ombinga melalakano le shilipaleko leameno  meendjila. Ota ti, olutu eli, Erongo Regional Road Safety Forum otali pumbwa eyambidido mokuninga oikonga yomaudifeko mekandeko loiponga meendjila. Oshiwana otashi teelelwa shi liyambe pamikalo da yooloka ngee okukwafela oimaliwa molwaashi oshilonga shekandeko loiponga meendjila itashi ndjabulwa komunhu  umwe.

 

LEAVE A REPLY

Please enter your comment!
Please enter your name here