Omudhimba gwokahanona gwiitsuwa mokanala

0
204

ONGWEDIVA – Opolisi yaMusati ota yi indile opo aakwashigwana mboka yeshi omukiintu a li ena epunda ndele keli na we ye kena okanona ya lopotele opolisi oshoka okwi itsuwa olutu lwokahanona opo ka valwa lwa umbilwa mokanala.

Omudhimba gwokanona kokamati ogwa adhika oshiwike shayi, gwa kaama kombanda yomeya gomokanala hoka haka kutha omeya oku za koCalueque moAngola.

Otaku hokolowa kutya oshiningwanima shika osha lopotwa kuunona wokosikola Omahila Combined School mboka wi itsu okamudhimba komatango sho wa li tawu zi kosikola.

“Ota tu kongo yina yokanona haka, pamwe opuna ngaa nando omulumentu a lombwelelwe epunda komukiintu ndele ngashingeyi kena okanona. Alikana na notheleko opolisi opo omukiintu nguka a pulaapulwe,” Omupopiliko gwo Polisi mOmusati Warrant, Lineekela Shikongo a lombwele Kundana.

Shikongo okwa ti shika oshikando oshitine okanona ta ka ekelwahi mOmusati muule wethimbo efupi, ashike oshikando shika ina pu kwatwa nando omuntu oshoka omeya gomokanala oga kunguluka oku za ko kule  onkee ka puna naanaa uuyelele wa yela kutya okanona oka ekelwahi kulye.

Moshitopolwa tuu shaMusati omwa lopotwa woo okanona koomvula 11 kasa mo kanala sho ka li taka taaguluka okanala nayakwawo ya ye komukunda gumwe.

Shikongo okwa ti pokuma opuna ngaa ehala ndyoka ha li taagulukilwa ihe uunona inawu yako hoka ha ku taagulukilwa na osheetitha uunona opo wu yoge ko oka kwawo taka nyengwa okuyoga eta ka silemo.

Uunona uuyali mboka weshipondola oku tauka omeya owa matukile kegumbo opo wu ka lombwele aakuluntu mboka ya tseyithile opolisi.

Shikongo okwa ti osha kwata uule wowili opo aanambelewa yopolisi mbo ha ya yogo yamone okanona hoka.

Oshiningwanima shika osha ningilwa pomukunda Otjiwito moRuacana moshitopolwa shaMusati.

Omakonaakono gopolisi miiningwanima mbika iyali otaga tsikile.

 

 

KuLoide Jason

LEAVE A REPLY

Please enter your comment!
Please enter your name here