OUNGHULUNGU, OKWE U DALWA

0
331

OMUNDAUNGILO:  Kakele koiti yOmwoolo ei a ka mwene mokaluxwa komekove, okwa tokola kuwapaleka omudingonoko a kongolola oipakete, eenailona, eedalate, eengodi dolusheno, eepulaka, oundooxa veenamunate neebiila ,ta ke oiti a dule kupangela etuwa loVino Motor a ha hopaenene omadina omatuwa ovanduluki matuwa vakwao. Vaino Shilongo weedula 16, oku li mondodo onhi-9 pOkahenge Combined School moshikandjohoololo shaMundaungilo moshitukulwa shaHangwena.

 

Edilaadilo lokuulika ounongo wokupangela etuwa lakula, okwe li pangela konima yekufombinga mefiyafano  loScience  Fair moshikandjolongo shaHakafiya pOhakafiya, ta findana ta ka twikila komaulikilo akwao okweeta po oilongadalwa yopaunongononi moshitukulwa shaHangwena kOhangwena. Paye, mefiyafano loScience Fair kOhangwena, okwa fiwa po kumukwao a longa etuwa liwa unene, ta di po nomukumo a pangele nee eli lakula Ii dulife.Vamwe va kufa ombinga mefiyafano ,ova eta po omiti dokupusha eenghaku, eeglue, nouhauto.

Etuwa lotete okwe li longa moundooxa veenamnate noukende veebiila,a wapaleka olukanda,  nomukunda eshi a toola oitetela yoipeleki ya li tai dulu kweeta oiponga. Okwa tula ko omataiyela eembasikela da kulupa.

 

Ohali nu omeva a lumbakanifwa omongwa hali xwamekwa nomalungula. Oshipundi shomushingi osha ningwa noiti , mokandini komeva omwa pita odalate (ogenerator). Etuwa loAutomatic leengela mbali imwe yokomesho noyokonima lihe na ostelinga, ola pangelwa eemwedi mbali.

 

Ta weda po kutya: “Keshe shimwe tashi ya mouluvi wange ondi hole kushi hetekela, ngee onda mono sha nyika oshiponga ohandi shi hanauna po diva manga inashi monika. Onda udile umwe ta popi moradio a eta po oboma, naame onda pangela po yange . Onde ke i lopota kopolifi ei ya koleka kutya oya nyika oshiponga.  Etuwa hali nu omeva omongwa ohali xwama nawa, ihai nu eemahooli deni odo di na ondilo, ngeno onda li kefuta ngeno ohai ka teka kefuta otenga ihai shukushwa”.

“Onda hambula po vali ondjebo yokuumba ouleke meehango neshina lokukosha oiyaxa.  Oinima ei nda hambula ya nyika oshiponga ohandi i hanauna po diva, shama ndi shii nghee nde shi pangela opo ndi ha dimbwe. Ngeno otwa li hatu i oko tu ka pangele omatuwa ngaali,ngeno kape na  vali omatuwa taa kandoma, ngee owa shingi nai omuvelo tau yeuluka,  etuwa ohali dimi”. Etuwa ohali xwamekwa nomalungula, opo ta dilaadila nghee e na ku pangela oshapi yokupatulula etuwa eli, oha li longifa battery. Omhumbwe yoimaliwa oyo tai imbi ndi mane diva etuwa eli.


Ku Kema Ndevahoma

LEAVE A REPLY

Please enter your comment!
Please enter your name here