Paulus’The Rock’ Ambunda oye dingi momaudano 2013

0
357

WINDHOEK: Paulus ‘The Rock’ Ambunda, oye omudanauki  dingi wokomudo momaudano moNamibia. Eshiivifo ola ningwa Etitano 25 Kotoba 2013 poshivilo sheyandjo lomapapa a unganekwa ko Mobile Telecommunications Limited (MTC) nokomisi yomaudano ya Namibia. Odula ya dja ko, Ambunda okwa findana meemhito dihapu dekufombinga momaudano, a findana ekopi noimaliwa N$100 000.

Johanna Benson omukainhu omutondoki e na oulema, okwa findana ekopi noimaliwa N$ 50 000,moshitukulwa shovakainhu ovatondoki ve na oulema, nekopi lokomudo lovatondoki ovalumenhu ve na oulema ola Martin Amutenya.

Paulus ‘Hitman’ Moses oye a danauka nawa neudo,  omanga Tjipekapora Herunga oye omukainhu e li komesho momaudano okodula a findana N$ 50 000.

Mefiyafano loudano wovayowi ovalumenhu lokomudo veedula dopokati, omuyowi Lushano Lambrecht oye omudanauki  wokomudo,  nefindano lovakainhu lokomudo ola pewa omukainhu weedula dopokati Zandre Oberholzer omuyowi, aveshe va-2 keshe umwe okwa findana N$ 30 000.

Epapa lokomudo lovalumenhu ovatondoki  veedula dopokati ve na oulema ola pewa ovatondoki va-2 Elia Itemba naEliakim Aihuki.  Ekopi lovakainhu  veedula dopokati  lomudanauki nawa metondoko komudo , ola ya naLahja Ishitile. Hector Mawonga omukundaneki womaudano woshifo shoshIingilisa hashi piti efiku keshe Namibian Sun, oye omukundaneki dingi  womaudano komudo.

Dingi mokweeta po elunduluko mokudanauka momaudano okomudo,  oPaul Seibeb omudanauki dingi wetanga komudo a findana N$ 20 000. oNestor Tobias Boxing and Fitness Academy oyo omudeuli dingi wokomudo, ofimbo Timo Haikonda oye omushikishiva wokomudo moudano weengonyo, aveshe ova pewa N$ 20 000.

 

Ovaunganeki voshivilo sheyandjo lomapa eshi, ova yandja yo olupandu komufindani Marie Jeane Ndimbira . oNamibia Tennis Association oyo i li komesho momalandulafano okomudo. Neudo oshivilo sheyandjo lolupandu kovafindani osha longifa N$ 550 000 omanga odula ya dja ko, oshivilo sholudi eli sha longifile N$ 105 000. Omuyambididi munene woshivilo sheyandjo lomapapa omaudano, oMTC ya  yandja N$ 200 000, Hollard Insurance oya yandja N$ 160 000, Coca Cola N$ 60 000, Distell Namibia N$15 000 noNSC  oya ya yambidida N$115 000.

 

LEAVE A REPLY

Please enter your comment!
Please enter your name here