Vicky Hamukwaya oye Enzuna lyuudhano wopahedhi poRundu nuumvo

0
365

RUNDU – Vicky Hamukwaya omulongwa gwomondondo 9 poseko ya Noord Grens poRundu oye omukadhona dhingi guudhano wopamuthigululwakalo wonuumvo waRundu Arts and Cultural Festival. Methigathano ndika lyomanzuna nenge lyaakadhona aawanawa, Clementine Kahany oye omukombanda gwotango,omanga Cecilia Hausiku oye omukombanda omutiyali. Oshishani shomukadhona guukwatya itoo wu pewa nando osha pewa, Patemoshela Lukolo. Ye Paulina Matias ta zalekwa oshishani shomukadhona eshi ku thikama nawa momafano.

Hamukwaya gwomimvo 16 nomulongwa mongundu 9 penongelo lya Noord Grens moRundu okwa ti “Ondi itaala mu ngame mwene na otandi pandula  aalongekidhi yuudhano mbuka waRundu Arts and Cultural Festival, sho ye etapo elongekidho ndika itaali pewathanwa moshilando shi.Onda hala wo okwi ilonga neitulemo opo ndi pite ngame ndi ki ilongele ontseyo yokudhunga omiti poUnivesiti ya Namibia nenge palwe pondje yoshilongo shika.’’

Ongoshitopolwa shesindano lyoshishani shuunzuna Hamukwaya okwa pewa ooN$1 500 noshowo oshihampi shiikwamagadhi niikwathewa ya gandjwa kelelo lyondoolopa ya Rundu.Aakombanda gwotango, Kahany okwa pewa ooN$1 000 noshipandi shomagano galwe nomutiyali , Hausiku ooN$500 noshihampi shuushike pendje wo.

Hamukwaya oku hole oku ipalutha noMexican pizza, ha dhana etanga lyomokambaba naandyoka lyokomake , ha lesha uutotwambo, ye okwa kumikwa ku yina ngoka oye ishewe mbushe.

“Otwa hala okuulika kutya moshitopolwa sha Kavango omuna aawanawa yo ye na omitse na otwa tegamena oku mona aakalelipo mboka ta ya vulu oku kumika aagundjuka ooyakwawo moshigwana,”osho omunashipundi shelongekidho lyuudhano mbuka, Edward Mukoya uulike.

Okwa ti elongekidho lyethigathano lyomukadhona kaakunawe otali lalakanene okuhumitha komeho eiyuvo lyuuntsa wopashigwana mokati kaailongi moosikola nomiiputudhilo yilwe. Omathigathano ngaka  oge na wo elalakano oku kwatha aagundjuka opo ya vule okusinda omashongo gopankalathano ngoka ge ya taalela, ngaashi esimbapalo lyaagundjuka, iikolitha nelongitho lyiingangamiithi. Otaga lalakanene woo oku ya ulikila kutya oyena oshinakugwanithwa okwiilonga opo ya yambulepo oshilongo shawo nena nongula.

Kahany, oti ilongo uulongi poUnam mo Rundu omanga  Hausiku oku li mongundu onti 11 moseko yaRundu.  Okwa ti oku ulika uuwanawa na yilwe okwa kala ondjodhi ye nkene tuu a tonatele etango. Onkene okwa ti oti ilongo nawa a pite noshowo, ota kala nomodelinga mpoka tashi vulika.

Pethimbo lyoshiithanene shika aakalipo pusho oya li ya nyanyudhwa komuhikingalo  Gazza sho eya imbile gamwe gomomaimbilo gomongalo ye ompe yedhina , “Blood, Sweat and Tears”.


By Clemence Tashaya

LEAVE A REPLY

Please enter your comment!
Please enter your name here