Natu simanekeni iigongi – Kaapanda

0
199
Okuza kolulyo Sigo Amunyela, Abraham Kanime, Nangolo Mutota, Omunyekadhi Liisa Nandjala Taapopi, Omukwaniilwa gUukwaluudhi Josia Shikongo Taapopi na Minista Joel Kaapanda .

TSANDI-Minista yOmauyelele nOmakwatathano, Joel Kaapanda okwa lombwele aakwashigwana yo moTsandi kutya naya longithe ethimbo lyawo okuya kiigongi tayi longekidhwa kaaleli pehala lyokuya kuundingosho.

Kaapanda okwa ti oku kala puundingosho omanga aantu yamwe ye li miigongi osha puka oshoka puundingosho kapuna iinima tayi tungu.

“Ngele omwa hala oku humitha oshilongo sheni komesho nena omuna oku kala tamu gongala piigongi yopashigwana opo mu tule uukuni kumwe ne mu humithe oshitopolwa sheni komeho,” Kaapanda ta ti.

Kaapanda okwa lombwele woo aakalimo mbaka kutya elongelo kumwe olya simana uunene nge tashiya piigongi oshoka ndjoka oyo ompito ombwaanawa oku kundathana nkene aantu taya humitha oshilongo niitopolwa yawo komeho.

Minista okwa li ta popi koTsandi omasiku gaziko poshituthi shokugongela oshimaliwa sho kutunga endiki lyiigongi yaakwashigwana mUukwaluudhi.

Okwa ti kutya aakwashigwana naya itulemo mokugongela oshimaliwa she ndiki lyiigongi oshoka endiki ndika otali ka kwathela aantu oyendji  yomoshitopolwa shUukwaluudhi na yamwe woo yopuushiinda.

Okwa kumike woo aanangeshefa aashona naanene opo ya ya mbidhidhe mokutunga etungo ndika.

 

 

KuLoide Jason

LEAVE A REPLY

Please enter your comment!
Please enter your name here