Okanona ka hanaunwa po koshitopitha

0
249

ONGWEDIVA – Opolifi moshitukulwa shaShana ota i konaakona oshipofa omo okaana keedula omugoyi ka topelwa nokadipawa koshitopifa osho ka hanga monduda ya ina.

Ota ku hokololwa kutya okamatyona kedina Ndagwedhwa Absalom komomukunda Oshuungu moshitukulwa shaShana okali ta ka danene oshitopifa hano oboma yopeke oyo ye ka topele peke nde ta i ka monifa oshiponga neenghono nokuka dipaa.

Otaku hokololwa kutya okamatyona aka oka hanga oitopifa monduda ya ina omo ke i kufa keke i danene pondje opo ye ka topela.

Pamulombo oo wa fika ku Kundana oshitopifa osho sha dipaa okamatyona oshimwe shomoitopifa oyo ya fiwa po kuxe oo a li a ha longo onga omukwaita metanga leameno.

Komufala wOpolifi mOshitukulwa shaShana Komishina Ndahangwapo Kashihakumwa oo a koleka efyo lokamatyona aka okwati moshiningwanima omu  omwa ehamekelwa vali okamati kakwao oko kali ka kutwa onga omufita woimuna meumbo omo.

Kashihakumwa ta hokolola kutya opolifi i na i dula natango okumona kutya oitopifa oyo vati ya etelwe meumbo ku xe yokaana oya li yaye yopaumwene ile pamwe oyo ilonga, noku tala  yoo ngee omushamane okwali nande omukwaita wo PLAN ile wetanga leameno la South Africa manga oshilongo i na shi manguluka.

“Ohatu konaakona vali nge oitopifa oyo oya longwa mo South Africa ile pamwe okoAmerica ile okoRussia,” Kashihakumwa ta ti.

KuHelvy Shaanika

LEAVE A REPLY

Please enter your comment!
Please enter your name here