Ehangano lya New Era na NamZim ga pewa ewilikongundu epe

0
199

WINDHOEK – Oministeli Yuuyelele nOmakwatathano gopashinanena oya nyanyukwa sho ehangano lyo ku nyanyangidha lya New Era lya mono ewilikongundu epe, egundjuka, lya ndjanga lyuudha oonkondo nohali longo nuudhiginini.Joel Kaapanda ina holeka euvo lyuugumbo ndika pethimbo a tseyithile nokuulikila aaniilonga ya New Era Publication noshowo ya NamZim ewilikongundu epe lya thikama miilyo itano. Aawiliki mbaka yatano oye na ontseyo miimpungulonga ya yooloka, na Kaapanda okwa ti ndika ota li ka tula ehangano lya NEPC/NamZim pondondo yopombanda.

Okwa indile opo aaniilonga ya New Era ya longele kumwe newilikongundu ndika epe opo ndika li fale ehangano lyokunyanyangidha pomuthika gwopombanda. “Yapeni elongelokumwe lyeni alihe na otamu ka mona eyooloko” osho a kumike aaniilonga mboka ya li ya gongala okutaamba ewilikongundu epe.Kaapanda okwa ti okwa hala oku mona oshifo sho New Era shoka hashi nyanyangidhwa ku NEPC tashi wilikwa paithano.

Opo shi longe nawa moku yelithila oshigwana kombinga yiilonga nomathaneko gepangelo. “New Era okana kepangelo onkene oshifonkundana shika oshina oku taandelitha etumwalaka lyehumokomeho noshowo ndyoka lyuukumwe.New Era okuna ewilikongundu epe, lyaagundjuka yena oonkondo nehwamo mboka taya kwashilipaleke omutungilo gwa kola nokweetapo oku longa nawa. Ondi inekela mbaka ota ye ke mu kumika noku hwameka ombepo yiilonga yeni,” osho Kaapanda a ti. “Ngele owuna omutseyimpango,omuyaluli gwomambo nomunawino momahupilo oshike we wa hala,” Kaapanda a ti sho a tumbula iilyo yewilikongundu komadhina koogumwe noogumwe.Ewilikongundu olili kohi yuunashipundi wa Tarah Shaanika Omunambelewa omukuluntupitithi gwa Namibia Chamber of Commerce and Industry. Iilyo yilwe oyo Stephanie de Klerk omutseyimpango gwehangano lyaatseyiveta lya Shikongo Law Chamber,Fernando Putjie Somaeb gwa Rio Tinto Rossing, Abed Pendapala Iyambo, omupekaapeki gwomahupilo omukuluntu  mOmbaanga ya Namibia,Ipupa Kasheeta omunawino miinima yoonzo dhopantu mehangano lyomatuliloskepa Namibia Ports Authority. Kaapanda okwa ti New Era na kambadhale okuyakula oshigwana oshoka shika otashi tsukumwe noshinakugwanithwa she shokulonga nokunyanyudha oshigwana.Okwa tseyitha wo kutya ehangano otali  lalakana oku etapo iifonkundana ya nyolwa momalaka gaavalelwamo, ngaashi lya tameke noshifo Kundana. Oshoka aakwashigwana oyendji ihaya popi Oshingilisa shoka shili elaka lyopambelewa, no ya hala oku kala taya lesha oshifo melaka lyawo.

“New Era nakale a yooloka ,tse ka tu li mpaka molwongeshefa ndele okuhokolola oshili,” Kaapanda a ti . Okwa tsikile a ti New Era ita vulu oku hupa pwaana oshigwana onkene na kambadhale okuyakula oshigwana ngaashi osho a tulilwapo.Omunashipundi gwewilikongundu, Tarah Shaanika kombinga ye okwa ti okwa nyanyukwa oku longa pamwe nospana ha yi longo nuudhiginini po New Era. “Onda kala handi lesha oshifo sho New Era esiku kehe no nda ndhindhilike kutya ohamu longo neitulemo okweetapo oshilongomwa tashi thigathana niikwawo moshimpungu shika,” Shaanika a ti.Okwa ti iikundaneki oha yi dhana onkandangala mokulonga noku taandeleka uuyelele, onkene osha simana opo shi tsikile moku hokolola iiningwanima shi thike pamwe noshowo paushili.Okwa popi einekelo lye kutya ewilikongundu lye lyaanamaithano ga yooloka ota li ka fala meyokomeho enene  mehangano lya New Era Publication, onkene osha pumbiwa opo ospana yi longe nuudhiginini opo oshifo shika shininge oshifo osho sha halika okuleshwa ku kehe omukwashigwana.

Ku Kuzeeko Tjitemisa

LEAVE A REPLY

Please enter your comment!
Please enter your name here