Epandaanda lyaKaunda ondjila yuukumwe

0
220

 

WINDHOEK – Omuperesidende gwotango gwa Zambia okwa ti epandaanda ndyoka lye mu lukilwa nali kale ondhimbulutho yonakuziwa yimwe noshowo kutya osha pumbiwa oku longela kumwe omolwa eyokomeho nombili moshitopolwa

Epandaanda lya li ha li ithanwa Uhland Road olyo ondjila ontiyali moVenduka ta yi lukilwa Omuperesidende gwotango gwa Zambia,omundohotola, Kenneth David Kaunda, sho omimvo dha pitipo a li a lukilwa epandaanda efupi mo Freedom Square moKatutura

“Natu dhimbulukweni eigandjo lyaantu yaNamibia, ya Africa noshowo yii topolwa yilwe muuyuni.Longitheni ondjila ndjika ongo epola ta li ende aantu yena elongelokumwe, mohole nomuukumwe molwa aaNamibia nomolwa Africa noshowo molwa uuyuni auhe. Ngaashi ashike sho ndapewa egumbo, onda ndhindhilike nondi uvite aaNamibia taya ti moshilongo muka omaandjeni woo,”Kaunda ka Zambia osho a popi pethimbo lyelukululo lyepandaanda Uhland  oku ninga Kenneth David Kaunda. Omusamane Kaunda okwa pewa wo egumbo kepangelo nokaantu ya Namibia ongo olupandu omolwa shoka a longo opamwe nepangelo lya Zambia oku kwathela mekondjelomanguluko lya Namibia oku za muupiyapika wepangelo lyokatongo lyoonalunanga lya South Africa.

“Esimaneko ndika mwa pendje nena otandi li topola naantu ya Namibia mekondjelomanguluko lyawo, onkene natu endeni pamwe mondjila ndjika,” Kaunda ta indile.

Oshiithanene osha kalwa wo kOmukokoliperesidende na He yoshigwana sha Namibia omundohotola Sam Nujoma ,Omuprima Minista Hage Geingob , oominista mepangelo lya Namibia noshowo kaanambelewa yaza kelelo lya Venduka.

“Otwa pumbwa okuhwepopeka noshowo oku koleka omakwatathano pokati komapangelo giilongo yetu noshowo pokati kaantu yetu.Oshoka iilonga mbyoka omapangelo niikondo yago ta yi longo oge na elalakano opo aantu ya kale monkalamwenyo yina ombili,”omuleli nale gwa Zambia ta gwedhako.

Kaunda okwa ti pethimbo lyekondjelomanguluko aaNamibia oyendji oya sikola miipuutudhilo ya Zambia, ndele ngashingeyi aailongi omathele aaZambia oha ya sikola mo univesiti ya Namibia noshowo miiputudhilo yilwe muka.

“Onda kundana wo kutya ontompa ya Katima Mulilo ndjoka ya taaguluka omulonga gwa Zambezi oyi ipyakidhila unene. Oombesa wo pokati ka Venduka na Lusaka aluhe odhuudha aayendindjila.Shika osho shina oku kala na osha pumbwa okunenepala.Otwa pumbwa okukoleka omakwatathano miilongadhalwa kehe yopantu,” osho a ti.

Kaunda okwa tsikile wo a ti ondjila ndjoka a lukilwa ngashi ashike ndjoka ya taaguluka omulonga gwa Zambezi noshowo oonkwawo dhilwe dha simana odho omandhindhiliko  kutya osha pumbiwa opo tu tsikile olweendo nduka muukumwe, pa  ku nkondopeka omakwatathano gopantu koombinga adhihe ne dhuuyuni wetu,” Kaunda ta tsikile

Ku Kuzeeko Tjitemisa

LEAVE A REPLY

Please enter your comment!
Please enter your name here