Gazza, omuhikingalo omunene methigathano lyokakadhona dhingi Miss Okapya

1
336
Gazza ngoka taka ulika uunongo we muNdesemba 21 pethigathano lyokakadhona dhingi Miss Okapya.

ONDANGWA-Omuhikingalo omunene gwoongalo dhoKwaito Lazarus Shiimi, eshiwike nawa nedhina lye moongalo Gazza, oye a hogololwa onga omuhikingalo taka dhana onkandangala methigathano lyokakadhona dhingi Miss Okapya 2013.

Shika osha li sha hololelwa oshifo Kundana kongundu ndjoka yi li onga ontotipo yethigathano ndika, hayi ithanwa No Mercy Entertainment. Sandro Iithana ngoka eli omupopiliko gwongundu ndjika okwati, Gazza ota ka nyanyudha nokundungika poshituthi shika pamwe naahiki ngalo ooyakwawo ngaashi Jay-son, Decklipz nooyakwayo oyendji.

Ndika otali ka kala ethigathano etine lyokomuvo lyomazuna nenge uukadhona uuwanawa mboka tawu ka ulika uunongo nuunyakwa wawo methigathano lyokukondjela oshikoloni noshishani sha Miss Okapya shomuvo o2013.

Ethigathano lya tya ngeyika otali ka ningilwa mondoolopa yaNdangwa, mEkamuti Lodge momi 21 gaDesemba nuumvo.

Miss Okapya olyo ethigathano ndyono lya koka lela muumbangalantu woshilongo hali ningwa aluhe pehulilo lyomvo, okuza ngaa omvula ndjoka lyatotelwepo, ano momuvo 2010, moka lya tamekele ashike naakuthimbinga  aashona.

Sandro Ithana okwa gwedha po ishewe ta ti uukadhona uuwanawa mboka omulongo nuutano wuli pokati koomvula omulongo nahetatu sigo omilongo mbali nantano (18-25) ota wu ka kondjela eedola omayovi gatano koomuma.

“Ehuku lyethigathano ndika lyokakadhona dhingi Miss Okapya okuulika uukadhona womomukunda Okapya noku gandja ompito kuukadhona mbuka iihawu mono ethimbo lyokuya koVenduka moka hamu adhikwa iiningwanima yafa mbika,” osho Ithana  a ti. Okwa ti ishewe shika otashi ka kala oshituthi oshinene sha kwata miiti nosha huma komeho ngele tashiya pomayinyanyudho nuumvo.

KuPinehas Nakaziko

 

1 COMMENT

  1. I’m not that much of a online reader to be honest but your sites really nice, keep
    it up! I’ll go ahead and bookmark your website to come back down the road.

    All the best

LEAVE A REPLY

Please enter your comment!
Please enter your name here