Linda a talelepo uunona womo Five Rand

0
238
Omukuluntusikola Nakapandi Victor, Linda na Kavie Hiiho pethimbo taya talelepo Naftal

OKAHANDJA – Omugundjuka ngoka eli omwiimbi gwoomvula dhopetameko [17], Linda Pendukeni Simasiku, okwali a talelepo yamwe yomaanona yosikola haya hiti posikola yedhina Five Rand Primary School mOkahandja, oshiwike shayi. Ndika olyali etalelopo etitatu sho Linda a talelepo uunona mbuka nehangano lye ndyoka opo a totele po omvula ya zako lyedhina ‘Linda Pay for School Kids’, ano shono tashi ti, Linda futila okanona koskola.

Kamwe komuunona mboka wali watalelwa po kuLinda ongaashi Naftal Mwahi, goomvula omugoyi (9), nokuli mondondo ontiyali posikola yoFive Rand. Okanona oko tuu haka okali kamwe komuunona omulongo nuutatu (13) mbu wali wafutilwa osikola, okulandelwa omizalo dhosikola, uutenditho noopena dhokushanga kuLinda, nehangano lye hali ithanwa Linda futila okanona kosikola.

 

Linda okwati, oku  wete sha simana noshapumbiwa okufutila yamwe yomaanona mboka taya nana nondatu, no itaa ya vulu oku ikwathela yoyene. “Naftal okuli onga othigwa, nokwa kanithile yina  manga omushona, ena ashike omvula yimwe. Nonando he  oku li momwenyo sigo oompaka iha vulu oku kwathela omunona oshoka okuli  monkalo ombwiinayi lela,”Linda tati.

Metalele po ndika omo moka mwa ndhindhilikwa kutya Naftal, ohazi mokambashu oye awike nokapuna ngoka he mu sile oshimpwiyu, oku mu telekela, noku mu yogela omizalo dhosikola no ku mu kwathela niilonga yomegumbo.

Omukuluntusikola posikola ndjika, Victor Nakapandi okwa ti, sigo oompaka osikola oya ninga po elunduluko okutekula aanona mbaka okuziilila mosikola ano nopoloyeka hayi ithanwa Orange Babies, ndjoka yina oombelewa dhawo posikola nohayi kwathele okutelekela aanona mbaka iikulya esiku kehe. Opoloyeka ndjika oya kwatelwa komeho kaa iyambi aakiintu  yomolukanda muka yeli omulongo nayaali, mboka haya kwathele okuteleka nokutopola iikulya ngaashi onyama , oros, iikuki niithima, kaanona.

Meme Kavie Filla Hiiho oye eli omuleli nakansela gosikola ndjika. Okwa ti osikola yawo oya tota po ishewe oshikunino shokukwathela aanona mbaka, yethike pomathele gatatu (300) posikola oyo tuu ndjika. Okwa indile ishewe moshigwana kaavali yopokathimbo mboka taya vulu oku lela Naftal manga onkalo tayi ya kuuwanawa opo ye ye posikola mpoka noya kwathele okulela Naftal ngoka tanana nondatu.

KuPinehas Nakaziko

 

LEAVE A REPLY

Please enter your comment!
Please enter your name here