Omapapa omaudano o taa kayandjwa poKatima Mulilo

0
207

WINDHOEK – Odoolopa yokolundume loshilongo yo oshinenelando shoshitukulwa sha Zambezi ota pa ka ningilwa eyandjo lomapole kovadanauki moshitukulwa osho.

Eyandjo lomapapa eli olo lotete ta li ka ningwa moshitukulwa sha Zambezi. Oshivilo eshi hashi ifanwa Zambezi Sports Awards ota shi ka ningilwa molupale loyoongalele  la LA Hall mo Desemba 20 neudo, oku tameka po 18h00.

Ovadanauki ovo ve shi endifa nawa momaudano a yooloka noshoyo va yambulapo omufika woudano moshitukulwa sha Zambezi nomoshilongo ashishe ota va ka fimanekwa noku tumbalekwa efiku olo.

Oshiifanene eshi osho omhito okuvalula ovadani nosho yo omaludi omaudano oo haa danaukwa moshitukulwa omo, omo tava kalwa pewa fimaneko molwa oilonga yavo iwa.

Oshuufanene eshi otashi longekidwa kokangudu longekidi oko ka fikamapo movanambelewa vOuministeli wOvanyasha nOmaudano vomoshitukulwa osho, mwa kwatelwa yo vamwe vomovakwashiwana vomoshitukulwa.

Ovo tava ka pewa omapole otava ka hoololwa kongudu yovatalinawa yeli fikamena oyo tai ka konaanaako noukeka omaindilo aeshe aavo va fanekwa okupewa omafimeko oo.

Ovakufimbinga nomalutu omaudano moshitukulwa ova ongalele moKatima Mulilo oku pewa ouyelele kombinga yoipumbiwa noinakuwanifwa aishe oyo omuulikwa keshe mefiyafano eli ena oku wanifapo. Ova indilwa yoo va yandje ova ulikwa vavo mefiyafano keshe ofimbo omwedi ou ina fya.

Opa longekidwa yo ouvalelo wa wowina oku ongela oshimaliwa, nau otau kalwa ashike kwaavo va landa outekete. Onhele opo tapa ka ningilwa ouvalelo ou ohai dulu ashike oku kufa ovanhu omafele 240, naavo vena ehalo oku kala pouvalelo oo otava kunghililwa va lande outekete vavo fimbopepi. Okatekete kamwe ota ka landwa keedola omafele 250-00, nelandifo lavo ota li ka hovele momafiku 22 omwedi ou.

Ovo vena ehalo oku kufa ombinga mefiyafano eli otava dulu oku monafana na  Ben Luponyani ile nomuwiliki wopoloyeka ei Freddy Mwiya. Ava vavali ota va dulu yo oku yandja ouyelele welixwapo kombinga yo ipumbiwa aishe oyo omufimbinga ena okuwanifa po. Omapole otaa ka yandjwa meengudu dili omulongo.

Ku Carlos Kambaekwa

LEAVE A REPLY

Please enter your comment!
Please enter your name here