OmuChina adhenga omiilonga gwehangano lyaaniilonga

0
268
Omukwashigwana gwomuChina Peter Wang ta ulike aanilonga ye mboka yali ya gandja omanyeyeto gawo miipathi ye. Methano Omuna wo Desmond Hamunyela wehangano lyaaniilonga ngoka ali ta lombwele aaniilonga ya twikile noku gandja omanyeyeto.

 

OSHIKANGO-Ehangano lyaaniilonga lyo NWRWU olya tokola oku lopota oshipotha shekengelelo nokudhengela ondhi peho ko Anti Corruption Commission, sho gumwe gomaapolisi mOshikango anuwa ta kendabala oku fumbika oshipotha moka omuChina a dhenga noku ehameka omunambelewa wehangano ndjoka.

Omukwashigwana gwomuChina ngoka ta wilike oHotel Sun Square mOshikango ota ku hokololwa kutya okwa dhenga omuniilonga gwe hangano lyoNamibia Wholesale Retail Workers Union (NWRWU) omasiku ngazi ko.

Peter Wang ngono takuti oha momitha aaniilonga ye iihuna, okuya tukagula, okuya thanga, okuya tidha miilonga shaaheli pauyuki nokuya pa oondjambi ooshona noonkondo, okwa dhenga noku ehameka Gervasius Haimbodi ngono eli omukalelipo gwaaniilonga mehangano lyo NWRWU.

“Wang okwa ulandje kutya shoka tandi mulombwele kashina oshilonga na oshanika uulayi. Okwa undulange, ta kutandje otae sigo ohema yange ambala yatuuka, okwa dhengendje noongonyo koshipala sigo eyiho lyange lyokolumoho eta lizindi. Ondamono ashike omutse gwange gwa ningi omudhigu na onda mono kutya onda dhengwa nda ehama,” Haimbondi ati.

Shika osha etitha opo Haimbodi a patululile Wang oshipotha shedhengo noku ehameka olutu.

Hamushanga Omukuluntu mo NWRWU Denis Hamunyela ota hokolola kutya nonando Wanga a patululilwa oshipota ngeyi, okwa ndhindilikwa kutya omupolisi gumwe (edhina lishiwike ku Kundana) oha longele kumwe na Wang.

Hamunyela tati, Wang okweshi popi yemwene sho ali ta panyene Haimbodi kutya nanda okupatulule oshipotha ye kena sho ta ningwa oshoka okuna aapolisi ye heya futu.

Omukuluntu wehangano lyaaniilonga ta hokolola kutya omupolisi ngono takuti oha futwa ku Wang, ohalala woo oshali mo Sun Square Hotel moka, naashino osha shilipalekwa kaanilonga mohotela.

Hamunyela okwa hokololele Kundana kutya, esiku lyiikolokosha pokati ka Wang na Haimbodi, Wang okwa ya woo kositaasi yopolisi, hoka aka kundathanenwa naye komupolisi ngoka kuume ke mokanduka ki ikalekelwa. Shika anuwa kashili pamulandu oshoka mokukala aantu oha ya gandja owala omanyeyeto gawo mpoka hapa thikilwa mopolisi, ihe hamuukololo.

Konima yoonkundathana Wang naye wo okwa patululila Haimbodi oshopotha shedhengo taku tengenekwa kutya okweshi patulula sho a pewa omayele ku kuume ke gwomupolisi.

“Oshinima shino ondeshi lopota koAnti Corruption Commission oshoka opolisi oyina andola okukaleka po ompango nelandulathano, ihe ngashingeyi otuna po aapolisi taya yi kondje yaashono sha tulilwa po opolisi yaNamibia,” Hamunyela ta ti.

Hamuyela okwa kunkilila woo kutya, aagandji yiilonga mwa kwatelwa aaChina naya hulithe po okudhenga noku undagula aaniilonga yomahangano lyaanilonga oshoka shika otashi ke ya thimininka opo ya kuthe oveta miikaha yawo, noku ehameka kehe tuu omugandji gwiilonga ngoka taka dhenga aanambelewa mbaka.

Hamunyela okwati, mongashi ngeyi, opolisi oya uvaneka opo yikonaakone oshipotha shaWang na Haimbodi.

 

Wang okwa zimina kutya okwa undula shili Haimbondi azemo mombelewa ye oshoka kali emu pa uuthemba gwokuya mo.

Wang okwa ti Haimbondi oye e mu dhenga tango onkee naye woo okwa tameke oku mudhenga.

“Haimbondi oye adhengange tango enkawa kolupanda, eta ndi iha tapo nomakende gandje eta ga guko komesho, onda ninga omadhimika koonyala shoka adhenga ndje,” Wang ta hokolola woo

Komapyopyo ngoka taga ti kutya Wang oha hepitha aaniilonga ye okwa ti ihe shiningi kakele okuna uunkundi welaka lyoshiingilisha shono hashi mu etele opo a popye muule nokupopya kwaye kwomuule hoka tafekele kutya  aaniilonga ye ku kuthako onga omahepeko.

Nonando oonakulwa mbaka oya lita yiigamene, ayehe oya li ya ka pangelwe koshipangelo kEngela.

Wang ina zimina nande oku gwedhela aaaniiilonga mbaka tati kutya ye kena iimaliwa yagwana  mbyoka ha monomo oheyi futu omukuli ngoka akuthile sho atungitha oHotel ndjoka yemupula oomiliona N$60.

 

Ku Helvy Shaanika na Loide Jason

LEAVE A REPLY

Please enter your comment!
Please enter your name here