Onghwalukuwa yapititha Ohango

0
435

OKAHANDJA – Ongundu yoondjimbo dhopamuthigululwakalo mOkahandja yedhina Onghwalukuwa osho yapititha oalubuma yawo yotango tayi  ithanwa Ohango. Omukuluntu nomukwateli komeho gwongundu ndjika Victor Nakapandi okwati shika okwali ondjodhi onene kuyo okupititha oalubuma yawo, ndjoka yina ehwata lyiiyimbo omulongo niine.

Ohango oya tseyithilwe no yuulikilwe mOkahandja mu 1 lyaNovemba nuumvo. “Otandi pandula aakalimo yomOkahandja noVenduka mboka yali ya holoka ke uliko noketseyitho ndika. Eholok po lyeni osho oshinima shimwe sha simana noonkondo no itatu ke shi dhimbwa nande esiku limwe,” Nakapandi tati.

Onghwalukuwa oyo ongundu ndjoka yina aayimbi yaali, yomawi haga kwelengendja nawa.

Ndakumwa oye omwiimbi omukiintu omugundjuka, hiimbi ewi lyotango netiyali.  Victor Nakapandi omwiimbi gwewi lyombaatha noye gumwe iimba omayimbilo ogendji moalubuma muka. Ongundu ndjika oya imba ishewe omudhengingonyo omuNamibia Immanuel Nayindjala ngoka ta ka kondjela epapa lyuuyuni ko Japan omwedhi tuuka. Oye mwiimba muungalo uyali, wo auhe owuli moalubuma yawo.

Omayimbilo ngoka omuntu itoo mana okupulakena moalubuma ndjika ongaashi  “Ohango,” “Meme na Kukumweno”, “Fye Otwa Manguluka” na “Kapotolo ka Nawa.”

Onghwalukuwa oyo ishewe yimwe yomongundu dhaNamibia ya ithanwa yi ka ulike uunyakwa wawo muEngland muJuni omvula ta yiya. Nakapandi okwati, otaya kongo ekwatho moshigwana kwaamboka taya vulu okuya kwathela neyambidhidho lyopashimaliwa.

KuPinehas Nakaziko

 

LEAVE A REPLY

Please enter your comment!
Please enter your name here