Short Khilla a tseyitha oalbuma ye ompe

0
320
Short Khilla ta monika ngaashi a thanekwa kombanda yoalbuma ye ndjoka opo ya tseyithwan masiku ngaka moKatima Mulilo noshowo moVenduka.

EENHANA – Omuhikingalo gwomo  Katima Mulilo a tseyika nawa Short Killa okwa tseyitha oalbuma ye ompe yi na oongalo dhili omulongo na yimwe.

Oalbuma ndjika ompe oyi na oshipalanyolo Zintu Zone Njie Yes. Oya li ya tseyithwa omasiku ga ziko moKatima Mulilo noshowo moVenduka. Pethimbo ndika oongalo dhoalbuma ndjika ohadhi uvika mewangandjo oku pitila miilonga yoku tuma omawi mombepo yo NBC melaka lyoShilozi noshowo Orukavango.Oongala ndhoka odho wo ethimbo ndika to uvu tadhi dhanwa moombaa dhomanwino momudhingoloko gwa Katima Mulilo noshowo palwe moshitopolwa sha Zambezi..Ngashingeyi okwa hogolola wo okutseyitha oalbuma ye ndjika ompe moVenduka opo aayambidhidhi ye naaholi yoongalo dhe ya vule wo oku dhi landa.

Okwa ti okuza sho a tseyithile oalbuma ye yedhina General Short Khilla okwa ti okwi ilongo oshindji unene tuu sho a li a nana nuudhigu moku tseyitha oalbuma ye ndjoka yotango. Shika okwa ti oshe mu longo oondunge, ndele nando ongawo okwa pandula aayambidhidhi ye moshitopolwa sha Zambezi noshowo moVenduka sho ya kala noku landa uungalo we.Okwa ti aapulakeni yoongalo dhe oye hole oongalo ngaashi, Zintu Zonse Nji yes shoka tashi ti kehe shimwe eewa,oonkwawo ongaashi, Osayenda, noshowo 2 Nad ndjika ota yi popi kombinga yaakadhona noshowo aakiintu ya koka mboka haya indile oku tulilwako ocredita yethimbo lyokongodhi lyoodola mbali komahewa gawo gaalumentu.“.

“Okwa ti mongalo ndjika  “2 NAD”,okwa hala oku longa aakiintu aagundjuka aaNamibia mboka taya dhipagwa kuuvu wiihole.Okwa ti olundji aagundjuka mbaka oyena aalumentu oyendji mboka ha yeya tulileko ocredit yoodola mbali kongodhi dhawo, onkene aalumentu yamwe ngashingeyi na ye a kwatelwamo oye na uumbanda oku hala aakadhona mboka omolwa oshinima sho 2NAD.

Oalbuma ye ndjika moKatima Mulilo oya tseiyithilwa pehala lye mpoka ehole moshinyanga sha Ngweze omanga moVenduka oya tseiyithilwa pehala lyomanwino lyedhina Club Image nenge Kwa George moKhomasdal.

Okwa ti oalbuma ndjika oyo omagano goKilisimesa kaayambidhidhi ye, no yi na oongalo dhimwe ndhoka tadhi vulu oku daaniswa ngaashi ndjoka yedhina Namasiku. Okwa uvaneke kutya ongo omuhikingalo omugundjuka ota ka longa nuudhiginini no ne itulemo opo a imbe nokuhika oongalo dhingi nombwanawa.Pethimbo ndika oongalo dhe ohadhi pulakenwa unene kaa pulakeni yooradio dhoShilozi noRukavango ndele elalakano lye enene oondika oku taandeleka oalbuma ndjika miitopolwa ayihe ya Namibia.

Omuhikingalo nguka oku na wo ethaneko oku ninga okangalo komathano taka thanekelwa po Rundu hoka te ka ningi oku simaneka aayambidhidhi ye yomoRundu unene sho ena nale eimbilo hali ithanwa RU-Town.

Okwa tamekele oku hika oongalo omanga ena omimvo 12 nokwa li mondondo 5 a nwethwamo kaahikingalo ya simana ngaashi Gazza na Dogg.

Ngele owa hala oku landa olabuma ndjika moVenduka ota yi adhika poDolam River bar, Gerry’s bar, naAsitobeke moRundu, otayi adhika po Street House omanga mo Katima Mulilo, uuCD otawu adhika puMr Music and Entertainment Production noposupermarketa ya Cash and Carry .  Oka  CD kamwe ota ka landithwa oodoa 120.

Ku  Clemence Tashaya

LEAVE A REPLY

Please enter your comment!
Please enter your name here