Aahondj yopaigwana pomauliko gaHemline Summer Collections

0
269

Ehala lyokuthikama iihauto lyopoWernil otali ka ninga ehala lyomauliko giizalomwa iipe noyoshinanena pethimbo omweetipo gwiizalomwa omuNamibia Hem Matsi pamwe na Ipaha Travels and Bling Entertainemennt taya ka ulika iizalomwa mbyoka opo ya kondwa ku Hemline.

Oohashike shalye noshowo aaholi yiizalomwa iipe opo ta y kondo oya tegelelwa oku kala ya kuutumba popepi niitaafula hoka taku ende aaulki yiikutu mbyoka. Omauliko ngaka geli kohi yoshipalanyolo nenge otema “Modern versus Culture  ota ga ka kalako  pehulilo lyomwedhi nguka.

Omauliko giizalomwa iipe opo tayi ya momalandithilo otaga eta pamwe aaduluki yiizalomwa niikuutu iipe aaNamibia mboka yeli komeho mwaashika. Mbaka oya kwatelamo, Ruusa Namuhuya, McBride Kavari na Beverly Kaposiao opamwe na Hem Matsi osho wo nee a hondji naakondi yiikutu aayenda ya za ko Italia omukali megumbo lya Big Brother the Chase omuZimbabwe Pokello Nare noshowo Elikem Kumordzi gwa Ghana nayo oya hiwa ongo aakalelipo poshituthi shika yaza muAfrica.

“Otwa hala okuhumitha komeho omuthigululwakalo gwa Namibia molupe lwiizalomwa iipe, mbyoka yina uukwatya  womithigululwakalo dhetu. Yo iizalomwa mbik a otayi kala noku zalwa esiku kehe kaantu .Ndjika otayi kala woo ompito ombwanawa okupaathana omithigululwakalo dhaayenda yetu noshowo dhaa hondji yiikutu ooyakwetu,”osho Matsi a ti.

“Onkambadhala okweeta aahondji aaItalia yaali noshowo omuhondji gwokoGhana oyo okuhumithakomeho nokutseyitha aahondji naakondi yiikutu aaNamibia koshlongo ngaashi Italy shoka osho shimwe shomahala hamu kondwa iikutu iiwanawa.”osho Matsi a gwedha ko

 

Omauliko otaga kuulika iikutu iipe yopothinge yaakiintu noshowo yaalumentu.

Oshiithanene shika otashi ka kalwa kaayenda ya simana yaza mepangelo noshowo yaza kongeshefa dha yooloka, mwakwatelwa wo  aanangeshefa okuza  koUnited Arab Emirates (UAE) ya kalelwapo komunangeshefa omuniimaliwa , Salah Ali Alakbar, ngoka eli omweenda a simana . Omanga omukadhona dhingi nale muuyuni omuNamibia Michelle McLean ota ka kala gumwe gwaa wiliki yoshituthi shika.

Omauliko otaga ka kalako momasiku omilongo 30 ga Novemba nuumvo pehala lyoku thikama iihauto pendiki lyoongeshefa lya Wernhill pombanda oku tameka potundi onti 20h30. Uutekete otawu landwa poComputicket nopo Shoprite Checkers koodola omathele N$250 noodola eyovi N$1000 kaasimani.

Ku Selma Neshiko

LEAVE A REPLY

Please enter your comment!
Please enter your name here