Aanasikola ya ninga ompangela yi idhipage

0
184

ONGWEDIVA- Aanasikola yaali yo posikola yedhina Okonguati Combined School oya kundathana opo  yi idhipage shoka sha fala sigo omeso lyagumwe.

Uuyelele wa gandjwa komutalelishikandjo gwelongo Chris Tjivikua, oshiningwanima shika hasho shotango posikola mpoka oshoka oomwedhi ndatu dhapitipo opwa li nale puna okanona kamwe ki imangeleka.

Okwa ti kutya aakadhona mbaka ka ya li ha ya zi momuhandjo gwosikola ihe oya li ha yazi megumbo limwe momukunda Ovinjanje popepi nOpuwo moka yi itsu omuti gwo kudhipaga iiyamakuti, gwa gumwe gwomoohekulu.

Aanona mbaka oya yakamo omuti eta ye gu tula muukende wuli uyali.

Gumwe gwomaanasikola oka kende ke okwe kanwa pethimbo ndyoka mOlyomakaya eta si. Olutu lwe olwa aadhika konima yo kapangelo kedhina Okonguati.

Mukwawo okwa tokola opo a kanwe ke kongulohi megumbo. Nguka nee oombwa dhakwatwa kadhali dhe oshoka okwa monika ku yakwawo eta ya tseyithile aakuluntu mboka ye mu fala koshipangelo meendelelo eta hupu.

Tjivikua okwa lombwele Kundana kutya na kuhupa moshipangelo okuli monkalo yili hwepo oshoka omashina ngoka a tulwa kugo ota ge shi ulike .

Omutalelishikandjo okwa ti aagundjuka mbaka oya li nee ya thigapo omishangwa tadhi hokolola shoka she ya tokolitha yi idhipage.

Nakwiikutha omwenyo ngoka ali mondondo 6 okwa shanga kutya  okwa idhipaga oshoka oha ningwa nayi kaakuluntu ye megumbo oshoka iha ye muuvitha nawa ngaashi ahala.

Omanga naku hupa meso okwa shanga kutya okwa fekelelwa uulodhi posikola ku yakwawo na oshakala she muuvitha nayi noonkondo. Tjivikua okwa ti mokambapila moka omwali nee mwashangwa omusholondondo gwomadhina gaamboka taye mu lundilile uulodhi.

Okwa shanga woo kutya okwali i idhimbulula ena epunda ndyoka ati kutya kali eli ilongekidhila na ota ka uvitha aakuluntu yee nayi uunene tuu yina ngoka emuhole uunene. Nguka okuli mondondo 9 posikola oyo tuu ndjoka.

“Mosoondaha otwa li tuna oonkundathana naalongi naavali posikola, na ngashingeyi otwa tegelela ashike aahungi mwenyo ye yepo posikola oshiwike shika noshowo aanambelewa yokombelewa yelongo opo yeye ya popye naanona mbaka,” Tjivikua ati.

 

Ku Loide Jason

LEAVE A REPLY

Please enter your comment!
Please enter your name here