Ethaneko okunenepeka uudhano wiigwana Itatu

0
170

WINDHOEK – Omunambelewa omukuluntu pitithi gwehangano lyaNamibia lyuudhano wo Ruabi,Sybrand de Beer okwa ti otapa ka ningwa mbala oonkundathana na Zimbabwe, Kenya na Uganda.

Oonkundathana otadhi ka popya kombinga yonkambadhala yoku lundulula ethigathano lyiigwana itatu lyoruabi ndyoka opo lya hulu oshiwike shayi moVenduka li kale hali dhanwa kiilongo yili ine.

Pethimbo ndika uudhano mbuka waWindhoek Draught Tri-Nations ohawu dhanwa ashike kiilongo yili itatu.

De Beer okwa ti ethaneko ndika ota li ka gandja ompito kiilongo mbyoka tayi kuthombinga opo yi vule okukala ha yi dhana konyala omaudhano gahamano methigathano ndika.

Shika otashi ka gandja wo ompito opo aadhani yopaigwana yuudhano mbuka ya kale taya vulu oku dhana omaudhano gopaigwana,momalongekidho ngaashi ndyoka lya Windhoek Draught Tri-Nations Tournament.

Kakele koku longekidha uudhano mbuka De Beer okwa ti konima yethigathano kehe iilongo mbyoka ine otayi kuutumba etayi hogolola ospana yaadhani ayehe aaAfrica mboka taya tungupo ospana yi ka dhane nospana ya hiwa yopauyuni.

Ospana ndjika yaadhani ayehe aaAfrica otayi vulu ihe okudhana noospana ndhoka dha kindja muudhano mbuka ngaashi ndjoka yoko Australia nenge ndjoka yoko Argentina. Elalakano enene oku pa aadhani mbaka ompito oku dhana noospana ndhoka dha kola muuyuni yo mbaka taya mono ontseyo yopaigwana ombwanawa.

“Uudhano woruabi moAfrica owa hwepopala nawa uule womimvo dha piti, ndele opo mbuka wu kale aluhe tawu humu komeho otwa pumbwa oku kala naadhani taya dhana noospana dha kola moku tala kutya otaya vulu okudhi dhenga naashika otatu vulu okushininga oku pitila methaneko ngaashi ndika lyethigathano lyiigwana yili ine noshowo oteama yaadhani ayehe aaAfrica ya za miilongo mbika ine,” De Beer a ti

Okwa pandula woo Ombuulaye ya Namibia sho ya tsikila noku yambidhidha uudhano mbuka okupitila moshilongomwa shayo shombiila yo Windhoek Draught. Ina thigako woo aaholi yoruabi sho yali ya holoka momiyalu ominene oku kala puudhano mbuka.

Ku  Otniel Hembapu

LEAVE A REPLY

Please enter your comment!
Please enter your name here