Kotoka u ha tulwe mokatoo

0
170

Ovakengeleledi moshilongo ove ya po vali nomukalo mupe woku kengelela ovanhu. Pefimbo eli ovakotokeli ava otava nyeke ovanhu ovo veli ovayakulwa vomahangano oimaliwa, nokutya omahangano omakwashilipaleki moNamibia.

Umwe womukalo wokutula ovanhu mokatoo owa monikamo omafiku aa eshi omukengeleledi ile ovakengeleledi va tameka oku  dengela ova yakulwa vomahangano omakwashilipaleko, ngee va shivifa omafyo nomapako ovafi vavo moifokundaneki. Eembudi edi ohadi holoka dafa ova yandjimayele, ovo tava dulu oku endelelifa ofuto yoimaliwa yefudiko okudja kehangano ekwashilipaleki.

Ngeenge tava kengelele ngaha, ohava lombwele oihakwanwa yavo kutya ova pumbwa okufutwa oshimaliwa shonhumba, tashi tulwa momavalulo avo ombaanga opo oimaliwa  yefudiko i futwe diva.

Omikalo dihapu domunyeka ngaashi ou oda kala noku konakonwa omafimbo adjako na vamwe vomo va kengeleledi ava  ova mangwapo kopolifi ya Namibia. Onghee opolifi yaNamibia ota i kunghilile ova yakulwa vomahangano omakwashilipaleko, va kale veli oupafi opo va ha ninge oihakanwa yooKalyamupombo ovo.

Ehangano ekwashilipaleki la Old Mutual ota li dimbulukifa ovayakulwa valo nokutya kapena efiku omuyandjimayele walo a pulile a futwe oshimaliwa shomuvalu wonhumba mevalulo laye lombaanga opo a kwafele moku endelelifa ofuto yoshimaliwa shefudiko.

Pefimbo eli  kapena nande omuyakulwa wa Old Mutual Namibia a teelelwa opo fute omuyandjimayele opo ngeno a kwafelwe diva meindilo laye loshimaliwa shefudiko. Ngeenge opena omukwashiwana wonhumba a yakula ongodi ta mu indile opo a fute omuyandjimayele wopashimaliwa, oshi wa ngeenge ta dengele kehangano oko vati omunhu oo a tonga nokutya oko ha longele.

Osha pumbiwa opo omukwashiwana a yandje oukwatya wa na ku mu dengela ongodi oo, opo oulingilingi ou ushikulwe nou etwe pexulilo.

Ku Omudindi

LEAVE A REPLY

Please enter your comment!
Please enter your name here