Omafufu gopaushitwe nenge gomuntu yemwene!

0
258

Ota pa kala oonkundathana noshowo oompata kombinga yomafufu gopaushitwe pehala lyedhina Innovation Village .Oonkundathana noompata ndhoka otadhi ka tala kombinga ombwanawa yomuntu uuuna a zala omafufu ge ngoka a valwa nago.

 

Oonkundathana noompata ndhika otadhi tameke nofilima hokololo yedhina  ‘Kickin it with the Kinks’ ndjoka ya thanekelwa moUnited Kingdom (UK) komuthaneki  Cynthia Butare. Ndjika ota yi ka konakona noku tala ekitakano lyomafufu gokomutse  niipambele yomafufu mokati kaakiintu aaAfrica, mboka yena omafufu gawo gopaushitwe gena omutungilo gwiili okuyeleka nomafufu gaakiintu yalwe.

 

Oonkundathana ndhik a otadhi tala woo ku nkene ondjokonona ya ningi oku itaalitha oshigwana kombinga yoku hogolola kutya omuntu ota longo nomafufu ge ngiini, otadhi tala woo omutalelo gwomuntu noshiponga shoka tashi vulika shi kale miilongomwa yomafufu yopachemi, omutalelo guuwanawa noshowo onkandangala ndjoka iikundaneki ha yi dhana moshinima shoku nwethamo oshigwana.

Mwene gwehangano lyedhina African Naturals, Zodidi Gaseb ngoka a li a ulike iiningwanima itatu moNamibia tayi popi kombinga yomafufu gopaushtwe okwa indilwa ku ‘Kickin it with the Kinks’ opo oye a kale omweedhilili gwokino ndjka kokutya oye ta kala omuyakuli gwaayenda mboka yeeta okino ndjika  moNamibia.

 

“Ondi uvite nda simanekwa oku kala ongame gwotango moku edhilila okino ndjika, oshoka otashi kala ompito ombwaanawa opo aantu ya tameke oku popya kombinga yomafufu gopaushitwe noshowo oshigwana shi taambeko omafufu ngoka.Oshinima shika hasho sho ku faulwa oshoka kehe ngoka ta ka kala pusho otaka za po ena uuyelele nkene ta longo no ku sila omutse gwe nawa oshimpwiyu..

 

Ongundu yaamboka ta ya ka tya sha koshinima shika oya kwa telamo aakiintu aagundjuka yoo Sharon Kasanda, Fenny Ndapewa Nyakanyete, Florence Floetry Khaxas, Oshosheni Hivelua, Kaylan Sutton na Gaseb ngoka oye eli omuwiliki gwoonkundathana.

Oonkundathana odha tegelela opo kehe gumwe a kuthombinga mudho moku tya sha kiikundathanwa . Innovation Village ehala mpoka tapa ningilwa oonkundathana ndhika ota yi adhika pomatsakaneno gomapandaanda lya Gluck na Brahm moWindhoek West oku tameka potundi 10h00 sigo otundi 12h00. Okuyamo itaku futilwa sha.

Ku Selma Neshiko

LEAVE A REPLY

Please enter your comment!
Please enter your name here