Omainyanyudho ga Zambezi Summer Festival 2013 ga dhenga pombanda

0
218

EENHANAAaholi yomusika moshitopolwa shaZambezi otaya ka nyanyukwa noonkondo omwedhi taguya, sho mOshitopolwa shika tamu ka ningwa lwotango omainyanyudho omanene gopothinge taga kala noku ithanwa Zambezi Summer Festival.

Omainyanyudho ngaka ga longekidhwa kehangano lyokuhumitha komeho  nokunyanyudha lyedhina  , Skylines Kings Productions ogo gotango mOshitopolwa shoka na otaga ka kalako okuza momasiku 20 sigo 21 g a Desemba nuumvo.

Pahapu dhomupopiliko gwa  Skylines Kings Productions,  Uzziah Namubeb, oshituthi shenyanyu shika  otashi ka kala pehala lyomainyanyudho lya Wooden Bridge Park and Resort Centre. Namubeb okwa ti aahiki yoongalo mboka ya tegelelwa oku ya nyanyudhe aaholi yomusika otaya ka kwatelamo aahikingalo aaNamibia, aa Tswana noshowo aaZambia.

Namubeb okwa tsikile ati aahikingalo yasimana ngaashi Gazza na the Dogg oya hiwa yee ya nyanyudhe aaholimusika mOshitopolwa shika. Kakele kaambaka aahiki yoongalo yomoshitopolwa sha Zambezi ngaashi Short Khilla, Top Dogg, Koko, Kim,  Spine  na the Green Kids Band  oyo yamwe yaahikingalo taya ka nyanyudha oongundu dhaantu mboka taya ka holoka poshiithanene shika.

“Oshituthi  shetu shomainyanyudho pothinge otashi ka kala oshiwanawa shotango oku ningwa moshilando sha  “Zambezi Bream Town”. Ayihe oya longekidhwa opo oshiithanene shika shi ningwe, na otatu kwashilipaleke aakalimo mOshitopolwa sha Zambezi kutya  oya tegelela oshituthi shoomusika sha dhenga pombanda,” Namubeb  a ti.

Oshituthi shika otashi ka kalwa woo kaahogololi yoongalo nenge mboka haku tiwa ooDJ,S ya za mo Namibian  noko Botswana.Elalakano lyawo enene oondyoka lyoku nyanyudha aaholi yomusika mboka taya ka pulakena omusika.

“Otwa longekidha omainyanyudho ngaka owina pethimbo lyiituthi yenyanyu opo tu hile aatalelipo mboka taya kala noku pitila mOshitopolwa sha Zambezi oku ya komahala galwe moshitopolwa sha SADC,” osho a ti.

Okwa tsikile ta ti nonando oya thaneka opo Gazza na the Dogg yee yi imbe poshiithanene shoka  oye li natango moonkundathana nayo kombinga yehiyo ndyoka. Oya tegelela woo Sulu omuZambia ngoka a li megumbo lya Big Brother the Chase na ye woo a zimine oku holoka poshituthi shika. Aalongekidhi yoshituthi shika oya ti aahikingalo mboka ya hiwa oku ya yadhane puudhano mbuka , oya hogololwa koshigwana shoshene shomoshitopolwa shoka okupitila mopolograma ha yi ningwa moRadio yOshilozi miilonga yokutuma omawi mOmbepo ya Namibia.

 

“Omainyanyudho   ngaka ota ga  ka kala kohi yoshipalanyolo  “Celebrating Life, Music and FreedomKatima Mulilo like it was” oku shuna komasiku omawanawa sho omusika yali hayi dhanwa moodisko momimvo dhomilongo 70s, 80s  noshowo  90.

Short Khilla  ngoka opo a pititha oalbuma ye ontiyali yedhina ”Zintu Zonse Nji Yes okwa nyanyukwa kombinga yaashika oshoka okwa tegelela eki ilonge sha oku za kaahikingalo ya simana ngaashi Gazza, Mshasho na Sulu mboka kuye yeli omakuya ga ka nale mokuhika oongalo.

Opena wo mainyanyudho galwe oga kwatelamo ngaashi jumping castle, waterslides, nayilwe oyindji yokunyanyudha uunona. Ota pa ka kala woo iikulya iikunuwa, nomaudhano getanga lyokomake

Ota pu ka tamekwa woo omauliko gotango ga Miss Zambezi Beauty Pageant gwomumvo 2013.

Uutickete okuya momainyanyudho ngaka otawu adhika po Compu-ticket noshowo poShoprite oshilongo ashihe, na otawu landwa oodola omilongo N$30 kuyele nenge oodola omilongo N$50 uule womasiku ngoka gaali  noshowo oodola ethele N$150 kiipundi yaasimanekwa.

Kuuyelele owindji kombinga ya Zambezi Summer Festival 2013, dhengela  Skyline Kings Production , Uzziah Namubeb na Poniso Lifasi koongodhi ndhika, +264 81 375 2374 and +264 218 2227.

Ku  Clemence Tashaya

LEAVE A REPLY

Please enter your comment!
Please enter your name here