Kotokela omayalulo goye oshoka aakotokeli oya hala oku kuyuga ethimbo ndika

0
241

Ku Omudhindi

WINDHOEK – Ethimbo lyefudho olya tameka nenge olili pokutameka onkene  oshigwana otashi londodhwa shikale sha tonata. Elondodh ndika olya gandjwa kOmbaanga ya Windhoek ye li ukitha  kaayakulwa yayo noshowo komukwashigwana kehe opo a kale a tonata oku keelela uukengeleli wopashimaliwa. Uukengeleli wa tya ngaaka owa ndhindhilikwa hawu holoka olundji pethimbo lyomafudho pehulilo lyomumvo. Mbuka owa kwatelamo uukengeleli nelalakano okuyuga omuntu oshimaliwa she keeshipo sha, oku yuga omuntu uukwatya we miineya, okuyuga nekoto pomashina goku nana iimaliwa noshowo oku yakapo omishangwa dhopashigwana ngaashi oppassport noshowo okamutse.

Omukalo gumwe ngoka hagu longithwa olundji kaakengeleli mboka ongaashi ngoka gwoku kotokela omuntu oku mu yaka omaukwatya ge gopaumwene, opo ngoka ega longithe ongo ge noshongeyi ota mono uupitilo opo a yakepo iimaliwa yomuntu ngoka okuza komayalulo ge gombaanga.Aayugi mbaka oha ya longitha omatumwalaka go internet nenge e-mail, omatumwalaka omahupi gopangodhi[sms] nenge okudhengelwa oongodhi  tadhi pula omuyakulwa opo a gandje uuyelele nenge omaukwatya ge gopaumwene, unene tuu ngoka olundji Oombaanga ihaadhi ga pula moongodhi.

Onkene Ombaanga ya Windhoek otayi kumagidha aayaukulwa yayo opo ya kale ya kotoka, molwaashoka aaniifundja ita ya kotha, esiku kehe ota ye yapo nomikalo omipe oku kotokela, ngaashi ndhoka dhomapandja gowebsite gaholela epandja lyombaanga. Aafukili mbaka oha ya tumine woo aayakulwa omatumwalaka okuza aniwa kOmbaanga sho taya longitha omapandja gena oshilimbo shombaanga , elalakano okufundjaleka omuyakulwa opo a dhiladhile kutya omatumwalaka ngoka ogoshili.

“Molweendo lwomumvo nguka Ombaanga ya Windhoek oya tumine omishangwankundana kiikundaneki, okulondodha  oshigwana shi kotoke opo shaa yamukule Osms, oe-mail noshowo oongodhi.Ombaanga oya ti elondodho ndika nail ye okawi nokawi opo kehe gumwe eli uve,. Onkene ngoka e li uva ndele ita iyutha kulyo Ombaanga ota yi ti  na ku yamukula etumwalaka ndyoka na kotoke opo kaa kanithe iimaliwa ye.

Ombaanga yomapendulepo moNamibia na yo oya londodhele oshigwana kombinga yaakengeleli ya ti opuna ombapila yuukengeleli tayi ti aniwa oya za kombaanga ndjoka ,nokutya okuna iigongi naantu mboka ya hala oku kwathelwa omolwa mayakulo , aniwa naya gandje omaukwatya gawo, goongeshefa dhawo noshowo omathanekodhiladhilo gawo..

“Alikana kototka na tseya kutya oombapila dha nika uukengeleli ndhoka odho onkambadhala yaakengeleli oku yakapo.omaukwatya goye.”

Mpaka opena omikalo dhimwe oku kwatha nkene to yoolola email noshowo oosms.

•          Okushanga iitya kwa puka nelongitho lyelaka lyoshiingilisa  sha nkundipala.

Omahangano haga longopaithano ogena aadhindi yiishangwa oku talamo omapuko noku ga pukulula na ihaga pitika opo omapuko ngoka nyanyangidhwe.

•          Kotokela omakwatathano nenge omapandja gopainternet haga holoka uuna  wa lesha o-email yoye nenge osms dhoye.Ngele owa mono kutya  opena iinima

yimwe ta yi endele pamwe no-email nenge nosms yoye ngoye waa yi shi, ino yi egulula.

•          Omatilitho

Kotoka oshoka oombudhi otadhi ku dhana momadhiladhilo noku ku halutha kutya ngele ino yamukula kushoka dhe ku pula eyalulo lyoye ota li patwa nenge omwaalu gwa pitilila otagu nanwamo ngele in longa ngaashi wa pulwa.Kotokela omatilitho ngoka.

•          Omapandja gafa goshili

Aakotokeli mbaka oha ya longitha omathano gafa ashike ngoka gomapandja goshili goombaanga, ndele ngele owa gandja uuyelele woye nuukwatya woye wopaumwene , mbuka otawu ka hulila pehala lyoombudhi ndhoka. Nando epandja na li holoke lyafa lyoshili lyo mbaanga li takamitha.

•          Omaukwatya gankundipala

Olundji omandhindhiliko ngoka ga holelwa ohaga kala gaana eyadhimo ngashi ndyoka lyehangano lyolyene. Onkene kotoka tala nawa iikwa mbapila mbyoka.

LEAVE A REPLY

Please enter your comment!
Please enter your name here