Okupa ovakainhu, okukufa omulongelo melimba

0
261

Ku Hevy Shaanika

ONDANGWA – Ominista yOpedu yOvanyasha, Oilonga yOpashiwana, Omaudano nOmifyuululwakalo, Juliet Kavetuna, oya ti omahepeko oo haa ningilwa ovakainhu  kovalumenhu ita a dulu oku yukipalifwa.

Kavetuna okwa ti ovalumenhu na va xulifepo okuhepeka ovakainhu mokuyandja omalipopilo ouvaya kutya otava dipaa shaashi va lilwa oinima yavo, vo iha va tale oinima noilonga ihapu oyo ovakainhu ve va ningila.

Kavetuna okwa tonga eedjovo edi nokwa ninga eindilo eli pefimbo ali ta yeulula oshoongalele shopashiwana shovakainhu ovanyasha [National Young Woman Association (NYWA)] pOndangwa.

Okwa ndjandjukununa nokutya ovakainhu navo ohava longele ovalumenhu oilonga ihapu naluhapu oha va longo oilonga ita ava futwa sha. Onghee ngeenge omulumenhu okwa yandja eliko laye komukainhu oo eli moihole naye nena okwe shi ningi moku mu pandulila omayakulo mahapu oo a ningilwa.

“Owa li una okufuta ombwada ndele ino shininga. Oho pewa ouvalelo woshikulunhu efiku keshe komukainhu oo ndele iho ufutile. Owa li una oku twala oikutu yoye oshivike keshe ko drycleaner ukafute oN$150 , ndele nee omukainhu oo uli naye ohe iwapaleke pehena ofuto yasha.Owa li una oku kala holi ouvalelo kokefe efiku keshe ndele omunhu umwe ohe ku telekele ouvalelo opunyu.

“Ngenge oto diladila nokutya oimaliwa oyo ho yandje kuye oye mu sheshwa omolwashike ito iyandje komwanyoko womukainhu? Oho mu pe oimaliwa noshoyo oinima ikwawo olupandu molwa ashishe osho e ku ningila. Omulwaasho omadipao oo ha a ningilwa ovakainhu ita a dulu okuyukipalifwa,” Kavetuna ta ti.

Kavetuna okwa indila ovalumenhu ovaNamibia noshoyo oshiwana ashishe opo shi efe po omufyuululwakalo woku tala omukainhu a fa ashike oshilongifo shoixulo, noshoyo oku valula ouwa waye she likolelela meholokepo newapalo laye lokoshipala, noshoyo  kokudjala oikutu ixupi  nongeenge ta dulika opo a iwe naye momilele inadi amenwa.

“Omukainhu luhapu okwa valulwa koshiwana ongo omwalikadi muwa, molwomaihumbato aye ndele nee hasheshi ta wedako kongushu yonghalamwenyo yaambulavo ile kwaayo yoshiwana. Ongushu yetu ta i ufwa kovalumenhu ndele hakufye vene,” Kavetuna ta wedapo.

Ominista yopedu oya lombwela ovakainhu ovo vali moshiongi, vahapu vomuvo ovanyasha nokutya ongushu yomunhu keshe neshiivo laye noshoyo omutumbo waye itau ufwa koukakwashike koo okanhu. Okwa ti okwa shilipalekwa yoo kutya ovalihongi vahapu ovo va pewa eenghatu douhongelwe poiputudilo yopombada yaNamibia omafimbo  a pita ovakainhu. Kavetuna okwa ti eshi  otashi ulike kutya ovakainhu kavena ashike ouwa womoipala ashike ovena yoo eendunge.

Kavetuna okwa ekelashi eitavelo mokati kovakainhu olo tali ti  ovakainhu ihava yambididafana momahoololo omolwa oipundi mopolitika ile meenhele doku ninga omatokolo . Okwa ti eshi kashifi oshili, osho sho shili osheshi nokutya ovalumenhu ovo kaave hole oku yambidida ovakainhu.

“Ame onda hala okudipaa eitavelo olo nena eli nokutya ovakainhu katuli hole na iha tu yambididafana. Ngeenge owa yi koshoongalele shakula shongudu oto hange eeperesnda 60 moshiongalele omo odo valumenhu, ndele omahoololo eshi ta a kaningwa oto hange fimbo ovakainhu veli ashike vatatu ovo va hoololwa. Ovakainhu ava ova yambididwa kovakainhu vakwawo opo va kale peenhele odo ndele hakovalumenhu. Ngenge ngeno okwali hatu yambididwa kovalumenhu, ngeno ohatu dulu oku kala novakainhu vahapu meendodo dopombada, shaashi ovalumenhu ovo veli momuvalu muhapu omafimbo mahapu.

LEAVE A REPLY

Please enter your comment!
Please enter your name here