Opate ya Onayena na Okankolo ota yi tulwa oteya

0
245

Ku Maria Namupala

ONAYENA – Iilonga yokutula oteya kopate Onayena – Okankolo, oya tameke pa mbelewa oshiwike sha ziko.

Shika osha kwashilipalekwa kOmupevi-Minista gUuministeli wIilonga nIiyenditho Kilus Nguvauva ngoka a egulula iilonga mbika pambelewa.

Iilonga yopate ndjika tayi ithanwa Onayena-Okankolo,  oyali ya egululwa pambelewa oshiwike shaziko pOnayena.

Kakele kopate ndjino yo Onayena-Okankolo, Nguvauva okwa tseyitha woo dhimwe dhomoopate ndhono tadhi longwa ngaashi Onayena-Omahenge, Onalulago-Epembe, Oshali-Epumbu, nOmuthiya-Onanke, oku tumbulapo ashike dhimwe.

Nguvauva okwa ti oosikola  ndhoka dhili popepi nopate ngaashi Uuyoka, Okakonda, Ekuku, Oniiwe nadho ota dhi ka mona woo uuwanawa omolwa oopate dhono tadhi ka tulwa moshitopolwa.

Omasiku ha male sho aakwashigwana yomOshitopolwa shaNayena nOkankolo ya kala taya nyenyeta opate yawo yongalama, ndjono ya longwa konima yoomvula dhaka pita. Oya kala noku pula opo opate yawo yi tulwe oteya na ngaashingeyi omagalikano gawo oga yamukulwa.

Kansela gwOshikandjohogololo Onayena Max Nekongo ta holola kutya opate ndjika otayi ka gandja omauwanawa ogendji momudhingoloko nomOshitopolwa shaShikoto kondandalunde  naashika oshili ondjokonona onene mOshikandjohogololo Onayena.

Nekongo tati woo Epangelo olya katuka onkatu onene opo li hedhe popepi noshigwana unene ngaa okuhumitha komeho oshilongo. Ta tsikileko noku yelitha kutya ondjodhi ndjono hayi popiwa ano Vision 2030 otayi adhika uuna aantu taya longele kumwe nepangelo. Nekongo ta gwedhako  kutya Epangelo otali kambadhala opo pu kale ekwatathano ewanawa pokati noshigwana nepangelo moku andjakaneka ehumokomeho ngaashi iipangelo, omandiki gomangeshefelo, oondjila noosikola opo omayakulo agehe ga kale ga thika koshigwana.

LEAVE A REPLY

Please enter your comment!
Please enter your name here