Oshifo melaka lyaanuulema womeho

0
233
Manasse Tjijanjalala ta lesha oshifo oshipe sha New Era Braille

Ku Alvine Kapitako

WINDHOEK – Ehangano lyokunyanyangidha lya New Era Publication Corporation olya tula miilonga oshifonkundana shotango tashi kala hashi leshwa kaaNamibia mboka ye na uulema wmeho.Oshifo shika otashi kala hashi holoka lumwe koshiwike na otashi fatululwa kehangano lyannuulema womeho lya Namibia [Namibia Federation for the Visually Impaired (NFVI). ] Petameko oshifo shika otashi kala hashi nyanyangidha konyala iifo yili lwopomilongo ntano mpoka oshiwike kehe.

Omukwatakanithi gwa NFVI , Daniel Trum sho a popi poombelewa oonene dha New Era Publication Corporation okwa ti aanuulema womeho oyendji kayena ompito okulonga iilongitho yopashinanena noshowo iileshomwa.

“Ngele opena ompumbwe onene yoshifo shika melaka lyaanuulema womeho nena ota shi vulika tu gwedheko komwaalu gwiifo mbyoka ta yi nyanyangidhwa oshiwike kehe nenge ngele kapena epulo olindji ota tu ka thiminikwa woo opo tu shunithe omwaalu ngoka pevi.”osh a ti.

Iifo mbika melaka ndika ngashingeyi ota yi adhika poombelewa oonene dha NFVI moWindhoek noshowo penongelo lyashewa pEluwa mOngwediva moshitopolwa sha Shana nopendiki lyezulonkalo lya ELCIN pOniipa.

Oshifo shika hashi holoka konyala muunene wembo lyafa oencyclopaedia moka muna oshikalimo shoNew Era ohashi landwa oodola dhili ne mushimwe.

“Uuyelele womishangwa palupe lwiifonkundana owa kala we tulumbulwa omimvo odhindji. Onkene oku kala noshifonkundana melaka lyoshiposi  osha kala ondjodhi yetu yomonakuyiwa.”osho Trum a ulike noku kumika aanuulema womeho opo ya longithe ompito ndjika noku imonena uuyelele okupitila moshifo sha New Era moshiBraille.

“Otatu nyanyangidh oshifo shika tatu longitha iimaliwa yetu yene , oshoka otushi kutya ngele tatu shi ning tseyene kapena ngoka teshi tu ningile,naangoka ahala oku tu kwathela ota adha tuuka komeho mwaashika.

Ominista yopevi yomakwatathano, Stanley Simataa ngoka a li omupopi a simana okwa ti etulomiilonga lyoshifo shika  ota li ulike elunduluko moshimpungu shiikundaneki. Shika osha hulithapo nkalo yokatongo moka aanuulema womeho ya kala yeli omimvo odhindji sho pwaana iifonkundana mbyoka nyolwa melaka ndyoka haya uvu.

Okwa ti aantu mbaka ota ya vulu oku ya komahogololo yena uuyelele wa gwana kombinga yaashoka tash I inyenge moshilongo.

Manasse Tjijanjalala, ngoka ena uulema womeho okwa li a nyanyukwa kuuva eholokepo lyoshifo shoka ta vulu okulesha melaka ongo omunuulema womeho. “Onda nyanyukwa lela, nandi tye ondi uvite uuntsa sho oonkundana tadhi adha aantu mboka yena uulema womeho..Ngele otandi lesha oshifo ngame mwene otandi uvuko nawa oku yeleka nuuna omuntu gulwe oye ta leshele ndje. Otandi kala aluhe handi landa oshifo shika melaka lyetu” osho Tjijanjalala a ti.

LEAVE A REPLY

Please enter your comment!
Please enter your name here