Eyalulo lyopaunamapya omumvo tuuka

0
234

WINDHOEK – Omadheulo okudheula aanambelewa yoku yalula mboka taya ka longa miilonga yoku yalula moshikondo shuunamapya oga hulile oshiwike shayi moWindhoek.

Omadheulo ngoka ga ningwa kolutu lwopashigwana lwoku yalula nenge Namibia Statistics Agency (NSA) oga longo aayaluli aagundjuka mboka taya ka ninga tango omalolelo yalulo omwedhi nguka.Omalolelo gomayalulo moshikondo shuunamapya ngaka otaga tetekele omayalulo guunamapya gogene ngoka taga ka ningwa omumvo tuuka.Opo ashihe shi ende nawa miilonga yomayalulo aanambelewa mboka taya ka longa momayalulo oya dheulwa opo woo ya tameke nomalolelo yalulolo gUunamapya ngoka taga ningwa omwedhi nguka.Omayalulo gogene gene ,ota ga ka tamekwa ihe okuza muJanuary omumvo tuuka.Omayalulo guunamapya ngaka ogo gotango taga ningwa moshilongo konima yomimvo 20.Aanambelewa mboka taya ka yalula ayehe aagundjuka ya zi kiilonga yOpashigwana yAagundjuka.

Omuwiliki gwoshikondo shomiyalu mo NSA, Ndamona C Kali okwa ti osha simana okudheula aayaluli opo pu kale pena eshilipaleko nokutya aayaluli oyi ilongekidha okulonga iilonga mbyoka nawa nopwaana uupyakadhi washa.

“NSA okwe shi tala oshinakugwanithwa  she shopa nkalathano oku pa aagundjuka aaNamibia iilonga opo ya yalule noku gongela omauyelele gaashoka hashi ningwa moshikondo shUunamapya moshilongo. Ndjika ompito ombwanawa oku pa aagundjuka iilonga, elongo noshowo ya kale yena eiyuvo kutya yo ota ya ti sha, molwashoka oya pewa oshinakugwanithwa shoka”osho Kali a ti.

Okwa gwedha ko a ti omadheulo ngoka aayaluli mbaka ya mono ota ge ya tula mondjila yuukilila okutameka eithano nenge iilonga monkalamwenyo.Oshoka mbaka oyo tuu taya ka longa iilonga yeyalulo lyolyene uuna lya tameke omumvo tuuka . Omayalulo ngaka kutya oondyoka lyomalolelo nenge oondyoka lyolyene lyene agehe oga simana koshigwana.

Omayalulo ngaka otaga ningwa melongelokumwe nUuministeli wUunamapya , Omeya nOmakuti.

Okwa ti omayalulo gomalolelo ota ga ningwa miitopolwa sha //Karas, Hardap, Zambezi, Ohangwena, Kunene nOtjizondupa nelalakano oku lola iilongitho yomayalulo oku tala kutya mbika ayihe ota yi longo nawa. Ota pa talwa kutya ookompiuta ndhoka tadhi longithwa moku ninga omapulo otadhi longo nawa , oku tala kutya omikalo dha yooloka dhoku yalula iikunomwa otadhi longo ngaashi sha tegelelwa.Omaloleloyalulo ngaka otaga ka ningwa miitopolwa yopaipindi noshowo mbyoka yomevi lyaayehe, naangaka oga tegelelwa oku kala ga manithwa momasiku 16 Desemba nuumvo

Omadheulo gaanambelewa ayeheyehe mboka taya ka pumbiwa miilonga yoku yalula ota ga ka tameka kuyele mu January 2014 neyalulo lyolyene otali ka tameka nee konima yiiwike itatu yomadheulo.Omayalulo ota ga tameke tango miitopolwa sha Zambezi naKavango molwaashoka mbika ohayi lokwa tango noshikwawo oha yi yelulwa woo mbala.

Omayalulo otaga ningwa kohi yoprograma yomUuyuni hayi fupipikwa  (WCA-2010) yomayalulo gopaunamapya  haga humithwa komeho kehangano lyiikulya mUuyuni nenge FAO.  WCA-2010) oha gandja omikanka nomikalo ndhoka dhina oku longithwa noshowo omafatululo, omukalo gwokutula moongundu noshowo ondjila ndjoka yi na oku landulwa. Olutu ndoka oha lu gandja emanguluko koshilongo kehe opo shi ninge eyalulo lyasho tashi longitha omathenko gasho shene shi ikwatelela koompumbwe dhasho shene. Ndele nando ongaaka oshina oku longa meni lyomuthika gwopaigwana ngoka gwa hala kutya uuyelele mboka wa gongelwa otawu vulu oku yelekanithwa  nagalwe miilongo yilwe muuyuni.Konyala iilongo yi vule 100 muuyuni oha yi longitha opolograma ndjika.
Omutse gwolutu lwomiyalu moNamibia,Omundohotola John Steytler okwa ti omalolelo yalulo ngaka taga ningwa konima yomimvo 20 oga simana oshoka iizemo yago ota yi ka ulika kutya omayalulo gogene otaga keenda nawa. Okwa ti konyala aantu omayovi ethele 174 000 oye li miilonga yuunamapya ethimbo alihe moshilongo omanga omayovi 100 000 oye li moshikondo shika miitopolwa yaayehe.

Kali okwa ti oshinima shika otashi ningwa woo miitopolwa yilwe muAfrica. Okwa ti NSA okuuvite uuntsa oshoka omayalulo otaga ka ningwa kaagundjuka mboka ya za miilonga yopashigwana  yaagundjuka. Okwa indile aakwashigwana ayehe mboka taya ka tsakaneka aagundjuka mbaka opo ye ya pe ekwatho mpoka yo ye li pumbwa.Shika otashi ya kwatha opo ya gongele uuyelele wa pumbiwa oku humitha komeho oshilongo.Okwa ti omolwa iitopolwa yuunamapya ya yooloka moshilongo, omayalulo otaga ka longitha omikalo mbali, kokutya omauyelele momahala gaayehe ota ga ka gongelwa moku popya naantu oshipala noshipala.Omanga miitopolwa yopaipindi omapulo otaga ningwa palupe lwoombapila dha tumwa pa-email.

Ku Deon Schlechter

LEAVE A REPLY

Please enter your comment!
Please enter your name here