Moloi eeta uupyakadhi moshimpungu shomaudhano

0
342

WINDHOEK – Ontsi natango oya tsima molwenanathano pokati koKommissi yOmaudhano ya Namibia noshowo  olutu lwOlympic yaShewa ya Namibia. Oshinima shika oshe eta kutya aatoolinkundana otaya endagulithwa okuza kombelewa yimwe okuya konkwawo oku konga uuyelele moshinima shika. Uupyakadhi pokati komalutu ngaka gaali guudhano oomboka kutya opwa ulikwa Omundohotola Kagiso Moloi ongo oshilyo shEwilikongundu lya Special Olympic Namibia.

 

Oshinima shika itashi tsu kumwe nomautho goVeta yOmaudhano yaNamibia yomumvo 2003 ndjoka ta yi indike aantu yaashi aakwashigwana ya Namibia oku ulikwa ongo iilyo yewilikongundu lyehangano kehe lyuudhano moshilongo shika. Omundohotola Moloi omukwashigwana gwa South Africa panziililo ye, ndele nguka oku li oshilyo shewilikongundu lyiilyo omulongo mbyoka opo ya hogololwa okuwilika olutu luudhano woSpecial Olympic Namibia omimvo omugoyi tadhi landula.Okwa li woo a hogololwa a kale omunashipundi gwehangano lya Namibia Olympic  ndele okwa li a keelelwa oku taamba oshinakugwanithwa shoka ngaashika omautho gOveta yuudhano moNamibia taga ti.

 

Ndele nee olutu lwOspecial Olympic Namibia  olwa ti lwo olwa tula Moloi mewilikongundu lwalyo molwaashoka olwa pewa epitikilo lu shi ninge koKommissi yomaudhano ya Namibia, nonando shoka otashi kondjitha omautho goveta yOmaudhano yaNamibia.New Era okwa kambadhala oku konga omafatululo okuza koKommissi yuudhano yaNamibia kombinga yoshinima shika. ”Oveta oye shi tumbula sha yela  sho ya indika omuntu keeshi omukwashigwana gwa Namibia oku hogololwa a kale oshilyo shongundu ha yi ningi omatokolo molutu luudhano moshilongo,” Vivienne  Katjiuonga ngoka oye omunashipundi sha NSC a ti. Pethimbo olyo tuu ndyoka oSpecial Olympic Namibia oya kala ta yi henuka omapulo kombinga yaashika no ya ti omapulo ngoka naga ukithwe palwe, oya nyengwa woo oku ulika kutya olye a gandja eziminino opo Moloi a kale mewilikongundu limwe lyolutu lwuudhano moNamibia.

 

 

Ku Carlos Kambaekwa

LEAVE A REPLY

Please enter your comment!
Please enter your name here