Mwene womukunda aya konima yekuumba kuufuthi woondongi

0
196

ONGWEDIVA-Mwene gwomukunda gwOlwani mUukwambi mOshikandjohogololo shaElim okwa kwatwa po kopolisi sho ali talanditha oondongi onkaani dhoka dhaholokela momukunda gwe.

Shumba Endjala okwa li amangwa po mEtiyali lyoshiwike shika sho kwa hololwa kutya oha landitha oondongi kadhi shi dhe dhoka hadhi ya oku napa momukunda gwe okuza komikunda dhopopepi noshowo dhokokule.

Endjala ngoka ka li ena uumbanda washa sho a tu ntukilwa komalenga omanene, kansela noshowo okomakootili okwa ti ye inaya ka oondongili ashike okwa dhenga oondoongili oshishako shoka ena opo dhi vule oku landithwa momukunda gwe.

Aanamukunda yo pOlwani oya li ya limbilikwa noonkondo komainyengo geendongi pomukunda na oya notheleko mwene gweziko ndyoka Eliazer Johannes ngoka woo anotheleko opolisi.

Endjala okwa landithapo oondongi mbali mEtiyali koN$800, ashike dhoka a landitha omasiku gapita inadhi shiwika oshoka Endjala inedhi holola.

Mwene gwomukunda ngoka ena omimvo tadhi tengenekwa po 80 okwa li ta landitha oondongi kwaamboka ya silwa oondongi dhawo koshikukuta opo ya kapulule omapya gawo.

Okwa lopotwa kutya aanamukunda oha ya mono oondongili tadhi hingilwa pegumbo lyamwene gwomukunda kehe esiku po otapu zi omahauto galondeka woo oondongili.

“Ngame ongame mwene gwomukunda na ondina oku gandja oshihako shiimuna ngele otashi pulwa,” Endjala ta popi eli komesho gaapolisi.

Ashike mwene gweziko ndyoka Eliazer Johannes okwa ti shikulukulu oonkani ohadhi siikililwa sigo tadhi ilwako kooyene ihadhi landithwa nande nande.

Johannes okwa lundile Endjala kutya shika oshikando oshitiyali ta kwatwa ta landitha oondoongi na oveta oyina okulonga naye.

Oondongili dhoka dha adhika mekoye lye odhili hamano, omanga ndati dha adhika dha londekwa mohauto dhalandwapo nale.

“ Oondongili dhoonkani dhoka twa adha pegumbo lye onda zako nadho dhili paandjange shiikololela komalombwelo gelenga lyuukwambi tate Helman Iipumbu,” Johannes.

Iipumbu okwa li adhengelwa ongodhi ku Johannes pethimbo lyoshiningwanima ndjoka yali ya tulwa mule opo kehe gumwe a uveko shoka elenga ta li tokola.

“ Endjala iihako ayihe yigandja, oshoka ngele inohala wuyi gandje andiya ndiyi ku kuthe nomukunda gwange andi gukukutha oshoka oto ningi iinima inayi wapala moshigwana,” Iipumbu a popi mongodhi.

Ashike Endjala okwa tindi okugandja iihako tati kutya okweyi landa niimaliwa ye yemwene na kena okuyi gandja.

Endjala okwa li agandja iimaliwa yithike pe N$1600 kopolisi eta kwatwapo.

Ku Loide Jason

LEAVE A REPLY

Please enter your comment!
Please enter your name here