Naidjala a dhengwa ku Kameda niitsa

0
281

 

WINDHOEK – Omudhengingonyo gwa Namibia okwa kanitha olugodhi lwe mekondjelo lyepaya lyondjundo yoWBO bantamweight mOsaka sha Japan oshiwike shika.

 

Immanuel The Prince Naidjala ngoka a li ta kondjitha, enyakwa mondjundo ndjika Tomoki Kameda gwa Japan ina vula oku shi pondola oku sindana epaya ndyoka nonando okwa li ta kondjo neitulemo pethimbo lyolugodhi ndoka.

Nando ina sindana Naidjala okwe shipondola oku pa Kameda uudhigu moku kondja opo a gamene oshishani she shoka uule womadhingoloko agehe ge li omulongo 12. Olugodhi ndoka lwa ningilwa mehala lyomaudhano lya Bodymaker Coloseum mOsaka sha Japan, Naidjala okwa ningi omuNamibia omutiyali ta dhengwa ku Kameda. Nando okwa li ta kondjo ne nyakwa, Naidjala ina sholola nenge a tile ndele okwa li tuumbu oongonyo dha kukuta ndhoka omathimbo gamwe dha gandja uutile maayambidhidhi ya Kameda.

 

Ndele nando okwa li ta dhenge oongonyo tadhi kwata oshafa shika kaa sha li sha gwana oku mu sindanitha olugodhi ndoka. Aagandji yiitsa yeli ya tatu oya ti Kameda oye a sindana molugodhi nduka pwaana omalimbililo sho ye mu pe iitsa mbika119 miitsa 109 ya Naidjala 118 mitsa 110,na hugunina iitsa 117 yo miitsa 111.

Naidjala okwa kondjo neitulomo no kapena ethimbo kwali lyoku enda kashona molugodhi nduka.Omathimbo gamwe Naidjala okwa li a dhenge Kameda naayambidhidhi ye taya kala ya tila kutya enyakwa ota li ihatapo nando oku li.

 

Kameda sho a dhengwa eehama okwa tameke woo ta dhenge tee ehameke. Omadhingoloko etimu 9 netimulongo ogo omadhingoloko gali omawanawa ku Naidjala, nonando ina vula oku dhenga omukondjithi ongonyo yimwe nopevi.Kameda moku kondja kwe ka li ta ulike kutya enyakwa, ndele momadhingoloko eti 11 noshowo 12 okwa kambadhala okuumba oongonyo odhindji opo a kale eli komeho niitsa okuyeleka na Naidjala ngoka a ka lwa neitulemo alihe nedhiladhilo oku dhengamo Kameda yimwe nopevi ndele Kameda okwa kala te mu henuka. Okudhengwa huka okwo kwotango Naidjala ta kanitha olugodhi oku za nkene a ningile omudhengingonyo gwopaithano.

Naidjala okwa sindana omalugodhi 17, omulongo nalimwa gomugo okwa dhenge yimwe nopevi okwa dhengwa lumwe nokwa dhana shithike pamwe woo lumwe.

Ku-Otniel Hembapu

LEAVE A REPLY

Please enter your comment!
Please enter your name here