Omufuthi a kwatwa sho aadhikililwa ta teya ehauto

0
265

OSHAKATI – Omufuthi gumwe okwa kwatwa omanga aadhika ta kambadhala oku teya ehauto lyomukwashigwana gwAngola , ngoka a li mohotela ya Rocha’s Restaurant mOshakati. Oshinima shika osha ningilwe oshiwike shika. Omufekelwa okwa li a kambadhala oku iteela mosheenditho shimwe shiiyenditho mbyoka ya li ya thikamekwa komeho gehala mpoka hapa thikile aayenda pohotela ndjoka.Ndele moku shi ninga okwa monika komuyakulwa gumwe gwopohotela ndjoka ngoka a kambadhala oku indika ngoka eshi ninge, ndele nguka okwa lumatwa komufekelwa mbudhi ngoka kokwaako. Opo ihe aayakulwa yalwe mohotela oye ya noku mu popila sho ya kwata omufekelwa ngoka opamwe nomugameni gwomaliko. Ongundu yaantu mboka ya holokele mpoka oku tala shoka sha ningwapo oya li ya geya nokonyala yi ikuthile ompango miikaha yayo yene sho ya li ya hala oku dhenga omufekelwa ngoka.

Mwene gwohotela ndjoka Tomane Rocha okwa ti omugameni gwomaliko okwa li a endele oku kuthapo omufekelwa ngoka sigo opolisi ta yi ya yi mu ilepo oshoka andola okwa li inee shi ninga andola nguka okwe shi pewa koshigwana shoka sha li mpoka. Oveta ina yi pitika aantu yi ikuthile ompango ku yo yene moku dhenga nenge oku guma omuntu kolutu uuna ena shoka a pogola.

Rocha okwa ti shika hasho oshikando shotango oombudhi tadhi kambadhala oku teya omahauto gaayenda ye. Okwa ti lwahugunina sho ya iteele mohauto yimwe, oya monika kethano ndyoka lyeedhila lyopohotela mpoka. Okwa londodha aafuthi mboka yena edhiladhilo oku yaka pohotela ye kutya ka ye na mpoka ta ya yi oshoka ota ya ka kwatwa mbala.

 

Sho a popi naapolisi pehala mpoka pwa ningilwa oshinima shoka okwa ti uufuthi mbuka owa ninga oshinima shesiku kehe. Olundji oona ku shi ninga oyo aagundjuka mboka yaana iilonga. Onkene okwa indile oshigwana shina omahauto opo shi soshimpwiyu kutya ina shi thiga nando iinima yasho yasimana  miiyenditho, oku keelela opo mwaambyoka mwa iteelwe kaafuthi.

Omufekelwa ngoka omugundjuka okwa li a falwa kopolisi hoka a ningilwa oshipotha ku mwene gwosheenditho noshowo ku mwene gwohotela.

Ku Roy Klassen

LEAVE A REPLY

Please enter your comment!
Please enter your name here