Omukiintu a monena okanona megumbo eta hulitha

0
342

 

ONGWEDIVA-Opolisi yOshitopolwa shaShikoto otayi konaakona oshiningwanima  shomukiintu ngoka a monene okanona ko kakadhona megumbo eta hulithile mpoka.

Oshiningwanima shika osha ningwa mOlyomakaya ga ziko pomukunda  gwedhina Ashipepe mOnayena mOndonga potundi o16h00.

“Omukiintu nguka gweemvula 21 okwa hulitha muule wethimbo ehupi konima sho a pulumutha. Shi ikololela kuuyele mboka wa gongelwa kopolisi,” Komafala gwopolisi gwopevi Naomi Katjiua a lombwele Kundana.

Aapolisi oya ti oka hanona oka falwa meendelelo kOshipangelo shaNandjokwe moshitopolwa tuu shoka na otaku hokololwa kutya oke li monkalo ohwepo na ota ka silwa oshimpwiyu shopaunamiti.

Katjiua okwa ti kutya inashi yela lela kutya oshike sha ningwa po ashike shoka sha lombwelwa opolisi osho shoka kutya omuntu okwa monena okanona megumbo eta hulithile mpoka.

Edhina lya nakusa inali tseyithwa natango  oshoka aakwanezimo ye ka kwali ya tseyithilwa kombinga yoshiningwanima shika ethimbo Kundana a popya na komufala nguka.

Ku Loide Jason

LEAVE A REPLY

Please enter your comment!
Please enter your name here