Ondando yomahooli ina yi lunduluka

0
228

 

WINDHOEK – Ominista Yoomina nIikwankondo, Isak Katali okwa popi a ti opena ompito opo ondando yomahooli yi ka shune pevi moshikako shotango shomumvo tuuka 2014. Shika Katali okwa ti epangelo olina einekelo tashi vulu okuningwa ngele oondando dhomahooli dhopaigwana odha tsikile oku kala pomuthika mpoka dhili ngashingeyi, noshowo ngele ongushu yodola ya Namibia oya yelukapo nokunkondopala momuthika gwayo okuyeleka nodola yAmerica, ndjoka oyo hayi longithwa oku landa omahooli kiilongo mbyoka ha yi ga pombo mevi nenge kohi yevi lyomefuta.

“Shika otashi ka kala einyengo ewanawa unene koshikondo shuunamapya nuuniimuna shoka hashi longitha omahooli esiku kehe miilonga yasho noshowo oshiwanawa kaakwashigwana ayehe, unene tuu pethimbo lyefudho lyomatango omanene.Pethimbo ndika kehe omukwashigwana okwa hala oku ka talelapo aanegumbo nenge aanezimo lye noshowo ookuume koombinga noombinga dhoshilongo,” Katali a ti.

Ashike, ondando yomahooli ita yi lunduluka momwedhi nguka . Shika osho oshikando oshitine sho ondando yomahooli ya kala pomuthika gumwe nenge pomwaalu gwoshimaliwa gwa faathana  okuza mu September nuumvo. Kombinga yondando yomahooli godiesela shika osho oshikando oshitiyali sha landulathana sho ondando yomahooli goludhi nduka inaa ga gwedhelwa okuza mu Novemba nuumvo.

Pethimbo ndika ondando yomahooli mOmbaye moka omo hamu pitile omahooli agehe uuna taga etwa moshilongo ondando oya thikama na otayi kala poodola N$11.66 komahooli gaziza nenge  ngoka go 95 gaana owenga, omanga odiesela yoludhi lwo 500ppm ondando yayo ota yi kala natango oodola N$12.27 yo ndjoka yoludhi lwo Diesel 50ppm ota yi kala ashike oodola N$12.33.

Komudhindhi

LEAVE A REPLY

Please enter your comment!
Please enter your name here