Orizza, Oshipaife ta tanga Kundana

0
243

WINDHOEK – Immanuel “Orizza” Hafeni omulumentu ngoka ha popi iitya iishona, nokwa mwena noonkondo adhihe, ashike ngele tashiya poshipewa she shoongalo dhoShamboo noKwaito, oye kamana kandongo.

 

Omasiku hamale ga ka pita, Orizza okwa li oye omuhikingalo gwotango a etapo enenedhiladhilo no kwa kongo ondunge opo a totele oshifo shoshigwana Kundana okangalo hoka taka ithanwa Kundana, no ke li ta ka dhana onkandangala mooRadio dhOshiwambo ngashingeyi.

Moshiwike ashike sha ka pita, Orizza okwa nukako ishewe nehwata lyoalubuma ye yuungalo omulongo nuuheyali (17), tayi ithanwa New Fashion  ndjoka natango wo eyifatulula yemwene melaka lyOshiwambo “Oshipaife”.

 

Moalubuma yatya ngeyika omo moka woo mwa kwatelwa okangalo Kundana hoka taka tungu, ta ka  ndungike no ta ka tanga oshifo Kundana, nkene tashi kwathele aakulupe naanona mboka ihaa popi elaka lyOshiingilisa.

 

Orizza okwa ti, okwa li ewete sha simana noonkondo adhihe oku totapo ongalo ndjika opo woo ye naye a undulile oshipewa she komeho, onga omuhikingalo omunongo ta pitile moshifo shika, opo shi mu kwathele sigo oompa ta shi vulu.

“Ngame mwene kandishi naana omuhikingalo ngoka ehole iinima, ashike ohandi tala tango koombinga adhihe nkene ndina okulonga noku eta po omboloto yesiku kehe, okupitila moongalo dhandje,” Orizza ta ti.

 

Moalubuma ye ndjino tayi ithanwa Oshipaife omo woo to adha uungalo ngaashi End of Time, hoka ta ka nyuwike omakutsi gaapulakeni, nokwiimbwa nawa shimwe to nyengwa. Uungalo uukwawo ngaashi Aalumentu, Uukadhona na Konga, ito wumana okuu pulakena oshoka owuna omukwelengendjo goshiketala tagu inyenge nawa.

Aahikingalo ooyakwawo aaNamibia ngaashi Boet, Qondja, 4 Engene, Treckfo, Vamboes and Tiara, oyo yamwe ye mu kwathela muungalo mbuka, omanga M-Jay oye eli onga omutoti gomikwelengendjo.

Oalubuma ye otayi ka tseyithwa kEenhana muDecember 28, moPark Yiitoka. Qondja, 4 Engen, Chella, S4shoo na yakwawo oyendji otaya ka ulika uunongo wayo esiku ndika.

 

Ku Pinehas Nakaziko

 

LEAVE A REPLY

Please enter your comment!
Please enter your name here