Ta yugwa aniwa omaliko koosuwala she

0
351

ONGWEDIVA – Uuyuni wongashingeyi owa pikwa komaliko naashika osha etitha Maria Shaningwa adhulwe omaliko ge   koosuwala shaye mpanga omusane gwe eli kosikola koRussia.

Omeme omunakulwa omukulu ota ti ota li tapi koonyala sho oosuwala ye ya tokola opo yemupiganeke uunene pamaliko ngoka ya longela nomusamane gwe.

Okwa ti kutya okwa kala nee ta hepekwa uule wemvula ntano ngashingeyi uunene tuu kusuwala ye Peter Shaninga ngoka eshipondola okumulundila nokumutulitha modholongo moka ali ifutilemo noo N$ 2000.

Shimwe shomiiningwanima osha ningwa komeho gomusamane gwe sho Shaninga nayamwe yomaamayina ya nyekako oshini shokutsa shoka shili pomukunda pOmhuku mOmbalantu.

Omuhokanwa nguka okwa li woo akuthwa ohauto yombaki kugumwe gwomoosuwala she ete keyi tala ko nomukalelipo gwe gwopaveta.

Okwati kutya oongeshefa dhoka akuthwa ngashingeyi odha tulwa aantu ya homata mboka ya pewa oondjembo komusamane gwe opo aniwa meme nguka kaaha piganeke. Gumwe gwomwaamboka ya li ya homatekwa oondjembo okwali okwa li nokuli akwatwapo kopolisi a adhika  ena ondjembo pongeshefa ndjoka yali ya kwatwako ombambyona.

Shaninga okwa ti oya hombola nomuholike gwe Malicinus Shaninga momumvo 2000 eta ya kala mooyinamweno uule woomvula heyali ina ya dhika egumbo.

Shaninga okwa ti kutya oshimpako osha ka mpakukila nee omuhangi mooyinamweno etaya tokola opo ya kadhike egumbo lyawo menkolo lyahemweno ngoka yaahali pamwe nayinamweno, moka ya li ya pewa ehala momumvo 2007.

Okwa ti kutya nonando oya kala aapagi ayehe nomusamane gwe, omusamane gwe okwa tokola opo aka tsikile elongo ko Russia hoka ngashingeyi ta ilongele uundohotola wopaunamiti .

“Mbalambala konima sho omusame gwange ayi ko Russia aamwayina yomusamane gwandje oya tokola opo tutopole omaliko nayo oshoka aniwa iinima kayi shi yange ihe oyamumwayina.

“Ngashingeyi omusamane kena we ekwatathano nangame oshoka aamwayina oye mulombwela iipolopolo mbyoka a itaala eta tondondje thiluthilu. Omusamane gwandje ohalongitha kaakwanezimo ye opo a hepekendje ngeyi,” Shaninga ati.

Okwati kutya oosuwala shaye inaye muhala nande nande uunene tuu Peter ngoka aniwa hayi nokuli megumbo lye eta yalula iimuna ye, ye ota lundilwa wo aniwa haningi iinenenima ngaashi yo kulonda egumbo lye eta sitamene wo momuti ngoka guli megumbo.

Ashike omuhombolwa okwati okwa hala omaliko ge meendelelo mboka ye gana naye ga gandje uunene tuu eeshapi dhoshini nadhikale dha falwa kopolisi meendelelo.

Pakuninga omakwatathano na Peter Shaninga okwati ita vulu oku yamukula iipopiwa ya popiwa komuntu ta ehema momutse nokuna ethindakano lyomadhilaadhilo.

Peter okwati ye kena ethimbo lyoku kuthapo omaliko gomuntu nande oshoka ye naye okuna omaliko ge, egumbo lye nomukulukadhi.

“Omapopyo ngoka kagena uushili nande nande na ngame kandina ethimbo lyo ku idhopa moondjokana dhaantu oshoka ngame hangame ndali ndeya hokanitha,” Peter ati.

 
Ku Loide Jason

LEAVE A REPLY

Please enter your comment!
Please enter your name here