Uudhano wetanga lyo koompadhi wOutapi Guesthouse

0
257

ONGWEDIVA – Oombwa dha kwata  odhaakalimo ayehe yOmondoolopa yOutapi momidhingoloko dhopuushiinda.

Ewiliko lyokatanga ko koompadhi mOshitopolwa shaMusati ota li longekidha uudhano wokatanga ko koompadhi, mboka wa kwashilipalekwa kOutapi Guest House kohi yewiliko lyaKiinge Old Mutual Brokers mehulilo shiwike ndika, puupale wa tseyika nawa onga Outapi Sport Stadium no Tsandi Sport Stadium.

Omunambelewa goNFA moshitopolwa shaMusati no-Tsandi, Omusamane Jacob Kasheya ota ti kutya uudhano mbuka owa egulukila oospana adhihe dho mo Second Division moshitopolwa shaMusati, Ye ta kombo woo kombunda ewiliko lyOutapi Guest House kohi YoKiinge Brokers, shoo ya kwashilipaleke uudhano mbuka nokapandi koodola dha Namibia N$10 000 nekopi.

Ewiliko lyongeshefa ndjika ota li uvanekele oospana tadhi ka kutha ombinga kutya ngele oya ka ulika eitulomo nokwiihumbata nawa kwawo muudhano mbuka, ota ya ka kala ha ye wu kwashilipalike omvula kehe.  Okwa tegelelwa oosipana dhi thike po13h00 lwaampoka.

Ospana ndjoka tayi ya tango otayi pewa N$3000, ospana ontiyali otayi mono N$1500 , omanga ospana ontitatu nontine ayehe otaa ka mona N$850.00 kehe gumwe.

Aahikihiya otaa ka mona N$3000 no N$800 mboka tayi ka hupako, oyiinyangadhalwa yilwe.  Kasheya ota holola woo omashongo ngoka ga taalela uudhano mbuka ngaashi aahikihiya ya pyokoka mboka inaya gwana nawa moshitopolwa.

Oku niwe woo uumbanda ngele omvula oyaka loka unene mehulilo shiwike ndyoka, pamwe uupale tawu ka kala wuudha omeya.

Kasheya okwa hiyi aaholi yomaudhano moshitopolwa opo ye ye momuyalu omunene yo ya yambidhidhe oospana dhawo noku ya woo ya tale omakondombolo shoo taga li ehete.

Ku Fefas Elago

LEAVE A REPLY

Please enter your comment!
Please enter your name here