Aakokele ya pewa omagano goKrismesa kooitaali ya Christ Love Ministries

0
482

ONGWEDIVA – Ngaashi ngaa shi li  omukalo ndjigilile kutya omumvo kehe aantu ohaa tyapula oshituthi shevalo lyOmukulili, nuumvo aakulupe yomOngwediva oya enda omupadhi gwelago sho ya pewa omagano goKrimesa kongeleka yedhina Christ’s Love Ministries.

Omusita gwegongalo ndyoka lya tumbulwa pombanda  Frans Tjaritje okwa ti kutya aakulupe oyo oontungwa dhasiikilila ombepo noPongeleka ye oya tokola opo ye ya uulukile kutya yo oyena ohole nesimaneko lyaakuluntu.

Tjaritje okwa ti kutya okushi shi lela nawa kutya aakulupe nuumvo oya gumwa koshikukuta onkee ye naalanduli ye ya tokola opo ya gandje  iiyaha yu udha ofulundundu omaludhi giikulya yi ili no yi ili kaakulupe yevulithe po 70.

“Shika kashi shi oshikando shotango okugandja omagano kaakwashigwana, otwa gandja nale iikando oyindji uunene kaakalimo yomOngwediva,” Tjaritje.

Tjaritje okwa ti iiyaha mbyoka oya udha lela noonkondo nee iikulya ngaashi, omacaroni, otee, olwishi, osuuka noshowo oondooha dhoohi  opo ya katyapule nawa oKrismesa.

Omusita gongalo okwa ti iikulya mbyoka taya gandjwa nuumvo oyo ngushu yooN$15000, inaa mu kwatelwa mbyoka ya za kaanamutimahenda ngaashi Independence Caterers PTY LTD nOshakati Pharmacy.

Ongeleka ndjika okwa li ya totwa po momumvo 2001 na oyili mewiliko lyomusita Tjaritje.

Ku Loide Jason

LEAVE A REPLY

Please enter your comment!
Please enter your name here