MVA fund a ningila ovanaulema oshivilo shaKrismesa

0
261

 

ONGWEDIVA – Ehangano olo li lile po oulema wa etifwa koiponga yoihauto moNamibia, hano o MVA Fund, omafiku aa oya ningila ovo va lemanena moiponga yoihato oshivilo shaKrimesa mOngwediva.

Oshivilo eshi oshali sha popifwa kovanambelewa vo MVA fund vomOngwediva  mwa katelwa omukulunhu wehangano eli, Eva Amakali noshoyo ovanailonga vevyulonghalo moshikondo shouhaku.

Eshi ali ta popifa engafifi lovanhu vena oulema ovo vali veli novafilishisho vavo, Amakali okwa li a pandula neenghono ovo va holoka po, ta ti okwa hafa eshi ovanhu vahapu va itavela eshivo la MVA fund opo va ongale pamwe nokutyapula opaati yaKrismesa.

Amakali ta ti imwe yoilalakenenwa yoshivilo osho osho oku tukulilafana omayele enasha nonghalo omo ovanhu ava velihanga muyo konima yoiponga noshoyo okutukulilafana nokulombwelafana eemhito odo dilipo da yeuluka no tadi dulu oku va etela oiyemo noshoyo oku yandja omawedelepo keliko loshilongo.

“Opena epopyo olo ha li ti kutya oulema kaufi oku ha dula sha. Eemhito doku li etaela po sha omo dili momaumbo etweni, nomomikunda needoolopa omo hatu kala, natu kongeni eemhito odo, fye tudi longife ni,” Amakali ta ti.

Omuyakuli wEvyulonghalo mOshipangelo shaShakati Hannah Kambowe oo yoo a popifa ovakufimbinga ava okwa kumaida ovo vena oulema opo va fye oshisho opo va konge evyulonghalo olo a ti oli na oshilonga mokukwafela ovanaulema vakale vamanguluka mokulikwafa kuvo vene.

Kambowe ta kumaida vali ta ti evyulonghalo olo hali yeululile oshivelo ovo va kumwa koiponga omaliudo oku ya kexungomwenyo opo va mone yoo oku kalamwenyo kupe, nengushupalo longhalamwenyo.

Kambowe ta twikilileko vali kutya  evyulonghalo ota li kwafa yoo opo ava va lemana, noshoyo ovo veli popepi navo panghalafano, va tambuleko monghalo ipe omo veli hanga, nehalo lokushuna koilonga konima yoshiponga.

“Evyulonghalo, otali kwafa yoo ovanaulema opo va kale monghalo ina oukololele,”  Kambowe ta ti.

 

Ku Helvy Shaanika

LEAVE A REPLY

Please enter your comment!
Please enter your name here