Okafeelema Uuyuni Uukwanampinyuka oshitopolwa oshitivali kapwa okufanekwa

0
601

 

OKAHAO-Okafeelema ka danwa mOshiwambo Uuyuni Uukwanampinyuka oshitukulwa  oshitivali osho kapu okufanekwa nokwa teelelwa oku ka u likwa pambelewa muFebuluali odula tai uya.

Okafelema aka okadanwa kovadani voinyandwa vayooloka omo mwakwatelwa, omudani a fimana Telekeshe Yatawasa(Ndjeke yaMalimba), oo adana pamwe na Festus “Kakwaya” Hashipala mwene wokafeelema aka, pamwe yo novadani vamwepo, mwakwatelwa ounona veefikola da yooloka modolopa yaKahao omo mwa danenwa okafeelema aka.

“Okafelema aka okateelelwa ku vahapu ovo vewete kutya okafa ka kalako, nokuli na ve lididimike kwaashi osheeshi oinima aishe ota itulwa kumwe no ta ilongekidwa ku Indongo Itatu,” Festus ta tongo.

Taweda po yoo tati, Odula 2014 oya etako uuyulu nokwa hala okuhalela keshe umwe oo ehole oilonga yaKakwaya omudo omupe una elao nomwenyo omule kombada yedu.

“Ovashingi veetuwa ngeenge a tu kumaidwa kopolifi kutya natu shingeni nawa, natu imangeleimo, alikana natu fimanekeni omalombwelo avo, osheeshi  ngeenge a tu limangeleimo momapaya, ohatu kwatelemo eemwenyo detweni ndele ha do vapolifi, ano natu shingeni noukeka, elalakano otwa hala tu tyapuleni Okrimesa  nomudo omupe 2014 twa hafa,” ta weda po ishewe.

Kakwaya ota monika ko Facebook nedina Festus Kakwaya Hashipala ile kepandja laye Kakwaya.

Ku Pinehas Nakaziko

LEAVE A REPLY

Please enter your comment!
Please enter your name here