Olwaadhi lwa dhipaga omukayili kokasino

0
191

RUNDU-Omumati gwomimvo 16 okwa hulitha ombaadhilila oshiwike sha yi sho a dhengwa kolwaadhi omanga a li  a kayila okasino pomukunda Sikarosompo. Oshiningwanima shika osha ningilwa muuninginino waKavango.Erastus Hamutenya okwa sile mpoka a dhengelwa kolwaadhi lwopotundi 17h00 komatango.Aakwanezimo lye oya tseyithilwa. Oshiningwanima sha fa shika osha tseyithwa oshiwike woo sha yi sho aantu yatatu ya sile mondunda moka ya li ya lala sho ndjoka yahwama omulilo konima sho ya dhengwa kolwaadhi lwopotundi onti 18h00. Opolisi oya ti omidhimba dhaantu mboka odha li dha pyapo itaadhi vulu okudhimbululwa.

Oonakusa mboka oya tumbulwa oyo Canca Kampanza 46, Dana Kampanza 38 na Katiti Ncame 23. Oshiningwanima shika osha ningilwa pofaalama Kulimina pomukunda gwa Karukuvisa. Aakwanezimo lyawo oya tseyithilwa nale. Omukwatakanithi gwopolisi mokukondjitha iilonga yomiyonena Komufala gwopevi gwopolisi, Willie Bampton okwa koleke iiningwanima mbika iyali.

Ku Mathias Haufiku

LEAVE A REPLY

Please enter your comment!
Please enter your name here