Omukwaniilwa gUukwaluudhi a hiya aahikingalo yaza moshitopolwa shaMusati

0
367

UUKWALUUDHI-Omukwaniilwa gUukwaluudhi Josia Shikongo Taapopi okwa hiya aahikingalo mboka yeli taye shi enditha nawa moongalo dhawo noyaza moshitopolwa shaMusati, opo ya ka tyapule oshituthi shomumvo omupe pamwe naye, mOmbala mUukwaluudhi mu Januali 2014.

Shino osha li sha landula sho Omukwanilwa nguka ali a gandja omagano momasiku sho gali 2 gaNovomba omvula ndjika kaahikingalo aaNamibia, moka aahikingalo ngaashi Gazza, Mushe, Ama Tokolos, Ras Sheehama, Yashe Tati Pii, D-Naff, Tunakie, Mbuku, Peziko naExit ya li ya pewa omagano nomakopi ngaashi Omaholo nOodhimbo.

Omagano gatya ngeyika ogali ganuninwa okugandja elago kaahikingalo yayooloka noku ya ulikila kutya kehe oongalo dhawo taya ningi kutya nee okuziilila moshitopolwa shini moshilongo, ohadhi adha kehe gumwe.

Mesimaneko ndika lyaahikingalo omo moka woo ominista yomawuyelele nomakwatathano Joel Kapanda ya li ya gandja oshipopiwa shayo noya lombwele aahikingalo unene tuu mboka opo ta ye ya, ya hike iihikomwa yawo tayi tungu oshigwana. Gumwe gwomaahikingalo ali a pewa oshiholelwa ongaashi nee Ama Tokolos ngoka ali a totopo okangalo ta ka tungu nota kandungike haka ithanwa Ekwafo nalipule komeho. “Omukwaniilwa nguka okwa li etu nyanyukilwa noonkondo adhihe, shoka sha eta ishewe opo etu hiye tu katya pule oshituthi shomumvo omupe pamwe naye,” Ama Tokolos ta ti.

Ama Tokolos omuhikingalo ngoka hi ithana  kutya oye omukwaniilwa goongalo dhoKwaito moshilongo. Okuli ngashingeyi kohi yoSupreme Records na oalubuma ye ontiyali okwa tegelelwa yi ka pite omvula ta yi ya muFebuluali. Okwa pititha okangalo ke okapeepeeka ha ka ithanwa Etango Lasha, hoka ta ka dhana onkandangala mooRadio dhomoshilongo nota ka tungu omuthigululwakalo.

By Pinehas Nakaziko

LEAVE A REPLY

Please enter your comment!
Please enter your name here