Saiya Maiyah Sartiel oye Miss Ondobe womudo 2013

0
393

EENHANA – Saiya Maiyah Sartiel okwa ulikwa oye okakadona kawa ile  Miss Ondobe 2013 pomauliko okaadona dingi otete taa ningwa moshikandjohoololo shOndobe. Okwa ti efiyafano eli ola nghonopeka elineekelo mwene lae, oku kufa ombinga momafiyafano manene opashiwana. Oukadona ovo veuya ponhele itivali nonhitatu ovo, Amenenge Nangeni na Maria Katewa.  Helvi Shikua okwa mono oshishani shomukadona ena oukwatya uwa ofimbo Soinie Hamunyela a pewa epole lokakadona haka fewa  momafano.

Efiyafano eli la ningilwa mondoolopa yaNdobe olina elalakano oku xumifa komesho ondjelo iwa mokati koukadona womoshitukulwa shaHangwena nomoshikadjohoololo shOndobe, paendjovo domuunganeki , Josia Hitanwa oo ashivika yoo nedina Allu moshitukulwa shomalihafifo moumbangalanhu woshilongo.

“Eli efiyafano lotete tali ningwa moshikadjo shaNdobe, no hatu shiiva aveshe tava dulu oku tu kwafela noshoyo ovanangeshefa vetu joine okukwashilipaleka efiyafano eli omudo 2014. Ame onda hovelifa eli nda longifa eedjo dange mwene, molwasho ondina oilongomwa yoikutu koshi yedina KYK noshoyo LOS, ame yoo ohandi longo moshitukulwa shomalihafifo” osho Allu a popi.

Miss Ondobe 2013 okwa kwafelwa yoo kobaa ya  Lavida bar mewiliko la Moses Haufiku.  Ovashiki veengalo ova namadina voo Exit na Rockaz gang, Buhkeid, Suppersocks nosho yo Gallo 7 ova dana nawa noku hafifa ovaNdobe ovo va li pefiyafano olo.

“Onda kala aIushe omunhu ena ohoni nomunhu oo ehe shi nokutya onaku iwa oya uka pee moshiima shoku modelinga, ndele nee paife ame onda hovela oku mona apa nda yuka moshinima eshi.

Dimbuluka kutya oshiklone eshi hasho shotete, ame ondili yoo okakadona dingi koudanona ile ka Miss Kapuka  2013, nosho yo onda findana mefiyafano la Miss Eenhana Trade Fair and Expo lomudo 2012.  Eshi elondodo koukadona aveshe moWindhoek nokutya nava takamife osheshi fikulimwe ohandi ka kufako yoo oshishani sha Miss Namibia.

Odalele yomEenhana oya ti oku findana Miss Ondobe eliudo liwa osheshi paama okuna omahewa mahapu moshitukulwa shokoumbangalanhu.Okwa nonando ova li tava fiya fanapo okukondjela oshishani ova ka ninga ookaume.

Okwa ti ye ota kala oshihopaenenua shiwa mOndobe, ta kala noku honga oukadona ounyasha ovo ha fikola pomanongelo opedu kombinga yoinima yonkalafano unene tuu oku ekelashi ouhanana, oku longifa nayi oikolwifa, oufimba mokati koukadona wepipi linini noshoyo kombinga yoi nima ii oyo tai hepeke ovanyasha mOhangwena.

“Ohandi ka kendabala ashise osho haidulu okwoongela eedjo moku konga omakwashilipaleko noshoyo oku ninga eemhito okwoongela oimaliwa oku kwafela oshiwana osho sha pumbwa ekwafo mOhangwena” osho a udaneke.

Melongelokumwe nOndobe OK supermarket, Lavida bar noshitayi shomalihafifo osho yo ongudu yoikutu ya, KYK na LOS ya  Josia Hitanwa, Miss Ondobe 2013, Saiya Maiyah Sartiel okwa pewa oshimaliwa oodola N $ 2 000 noshihampi shiikwamaadi.  Okaadona oka tivali okapewa eedola N $ 1 500 ofimbo oko okatitatu kapewa eedola  N $ 1 000.  Okakadona koukwatya uwa naako haka fewa momafano keshe kamwe okapewa omaano ongushu yeedola omafele N$500.

Saiya Maiyah Sartiel omulihongi menongelo lopombanda loUnivesiti ya Namibia te li hongele ewiliko longeshefa..

Caption 1; Miss Ondobe 2013, Saiya Maiyah Sartiel eli na Amenenge Nangeni na Maria Katewa oukadona ovo ve mu shikula eshi ye a findanapo oshikoloni shomukadona muwa mOndobe. Ove li yoo pamwe na Helvi Shikua omukadona ena okuwatya muwa eli moshikutu shitwima eulu eli ofika.

Ku Clemence Tashaya

LEAVE A REPLY

Please enter your comment!
Please enter your name here