Shiyenga ta yi yi moshipala omaudhano moshilongo

0
213

ONGWEDIVA – Nonando aanamapya naaniimuna  oye li yuudhilila enyanyu molomvula ndjoka ya loka nawa, aadhani nawunganeki yomaudhano, oyeli ya yemata oshoka omvula otayi yi omaudhano moshipala.

Omolwa omuloka omwaanawa  ngoka tagu tsikile moshilongo ashihe omaudhano ongendji ogeli gakalekwa mpanga oshoka uupale kauli monkalo tayivulu oku dhanenwa. Shika osheya puuyelele sho uudhano wokatanga kokoompadhi ngono kwashilipalekwa kOutapi Guest House wali wa yiwa moshipla pakathimbo molwaashoka uupale mboka wali wa tegelelwa wukalongithwe wali wu udha omeya.

Omunambelewa gwolutu ndjoka hali wilike omaudhano moshilongo, ano oNFA mOshitopolwa shaMusati omusamane Jacob Kasheya okwa lombwele Kundana kutya uudhano mbuka owali wakalekwa konyala uule wotundi ne, nolwahugunina oyaka longitha okapale keli kondje yondoolopa kedhina Ombanjele Sport Ground.

Nonado oyali yalongitha okapale haka, shika ina shi kwathela sha oshoka uudhano inawu kapwa we mehuliloshiwike lyazako. Kasheya okwati oshinima shino osha ya moshipala ehumokomeho lyomaudhano.

Moshitopolwa sha shaShana uudhano wokatanga kokoompadhi wo Second Division inawu Tameka we mehuulilo shiwike lyaziko omolwa uupale mboka hau longithwa, ngaashi okapale ka D na F wali wuna omeya. Otaku hokololwa woo kutya osipana yetanga oYoung Rangers nOndangwa United uudhano wawo inawu ka dhanenwa we kOndangwa oshoka okapale koAdimba Toivo ya Toivo hoka ya li yena oku dhanena nako kakali takavulu okulongithwa.

Gumwe gwomaakwatakanithi yuudhano moshitopolwa shaTavi omusamane Titus Nambudhi, okwati yo moshitopowla shawo ina ya gumwa unene komvula, kakele kuudhano pokati ko Golden bees no Touch &Go mOmoodaha mboka wali wakalekwa molwomvula.

Kakele kokatanga kokoompadhi, uudhano waamboka yatunga omalutu nawa, ngo wa li wa longekidwa ko Yap Gym, nawo owali washulile ondjila kati molwaashoka omvula ndjoka yalokele uusiku wesiku ndyoka oya li ya gwitha ko olusheno  nokweeta odhima ndjoka yakwata konyala oowili dhontumba. Omusamane Eneas Nampala mwene go YAP Gym okwati omvula oyili eyambeko enene, unene tuu shoo twazi momumvo gwoshikukuta.

Ta tsikileko ta ti ehangano lya NORED nalyo olinamo ngaa uunkundi moshinima shika shodhima na olya pumbwa oku etapo elunduluko ewanawa.

Okwa tengenekwa kutya omvula otashi vulika yika tsikile okuloka sigo opetameko lya Maalitsa omuvo tagu ya onkene ngele onkalo oya tsikile ngawo okwa tegelelwa omaudhano ogendji moshilongo gakayiwe moshipala, unene tuu konooli hoka kakuna uupale wopashinanena wa gwana.

Ku Kefas Elago

LEAVE A REPLY

Please enter your comment!
Please enter your name here