YAP GYM osho a eta uudhano waa mboka ya tunga nawa omalutu

0
223

ONGWEDIVA – Hiedison Nghipondoka  gwoko Ours Gym oye enyakwa dhingi muudhano wo ku tunga olutu koNooli.

Nghipondoka okwa sindana mokati kaalumentu aakwawo ye li ya hetatu mboka ya kutha ombinga muudhano wo tango-tango konooli wo ku tunga omalutu omasiku ga ziko.

Enyakwa mokutunga olutu ndika olya toolapo okapandi kooN$7 000 uukwashilyo woomwedhi omulongo nambali wu na ongushu yooN$ 4000, ekopi nombandi yoshingoli.

Emenu Ananias Daniel gwo Yap Gym okwe ya omutiyali ta toolapo okapandi ko N$3 000, uukwashilyo woomwedhi hamano wu na ongushu yooN$ 2 400 nombandi yoshisiliveli.

Stuart Shuan okwa kuthapo ehala etitatu no kwa sindana okapandi koodola N$1 500, ombandi yoshikushu nuukwashilyo woomwedhi ndatu wu na ongushu yooN$1 500.

Aadhani ayehe mboka ya kutha ombinga oya faalela kegumbo oodola N$500 dhoku kuthombinga.

Nonando  kwa li kwa tegelelwa uudhano wu kale wu na omadhingoloko gatatu, shika ina shi ka ningwa we molwondhima yolusheno ndjoka ya adha ondoolopa yaNgwediva medhingoloko etiyali.

 

Kakele kondhima, uudhano owa endele, lela nawa no wa li wa mwenyekwa komuhikingalo gwaNamibia Atushe no ko ngudu yedhina Omaleshe.

Ongeshefa yedhina Yap Gym mewiliko lya Eneas Nampala ,oyo ye shi pondola oku eta uudhano mbuka naakalimo yo mOngwediva noondoolopa dhopuushiinda oya li yambombolokele ko Sam Nujoma Multi-Purpose Center mOngwediva opo yaka ondodhe omeho nuudhano waa mboka ya tunga omalutu gawo nawa pa ma dhewo, nonande omvula oya li ta yi loko.

Sho a patulula uudhano mbuka pambelewa, pehala lya Meya gwondoolopa yNgwediva, Meriam Katau Amoomo okwa kombo kombunda ewiliko lyo YAP molwashono lya longo oku etela aakalimo yomOshana uudhano woludhi nduka, ta tsu omukumo aagundjuka naayehe mboka yeli momudhingoloko gwaNgwediva opo ya joine oYap Gym, ya ka tunge omalutu gawo nawa pa ma dhewo. Meya oku uvite kutya ngele aaNamibia oya tameke okuninga omadhewo gopalutu, nena ota tu kala noshigwana shina undjolowele kaakunawe.

Moshipopiwa she shoka  sha leshwa komugandji mayele gwe Michael Mwiinga, Gavena gwaShana Clemens Kashuupulwa, okwa indile aagundjuka ya longithe olwindji omathimbo gawo miinima mbyoka tayi tungu omalutu, te ya indile ya zemo moondingosho yo ya tameke nomadhewo opo ku yandwe omavu ngaashi, okankela, ombinzi ya londa ne ondo  lya pitilila.

Pehulilo omusamane Namupala okwa gandja ekwashilipaleko  koshigwana kutya ethigathano ndika otali kala hali ningwa omumvo kehe.

Ku Kefas Elago

LEAVE A REPLY

Please enter your comment!
Please enter your name here